މިހާތަނަށް އެންމެ ގިނަ އިލްމުވެރިން ބައިވެރިވި މަހާސިންތާގައި ހޫނު ބަހުސްތަކަކަށްފަހު، ފަސް ވަނަ އިލްމުވެރިންގެ މަހާސިންތަ މިއަދު ނިންމާލައިފިއެވެ.
އިސްލާމީ މަރުކަޒުގައި މިއަދު ބޭއްވި ރަސްމިއްޔާތުގައި ވާހަކަފުޅު ދައްކަވަމުން އިސްލާމިކް މިނިސްޓަރު އަހްމަދު ޒިޔާދު ބާގިރު ވިދާޅުވީ އެ މަހާސިންތައަކީ އެހެން ހުރިހާ މަހާސިންތަކަކަށްވުރެ މާ ކާމިޔާބު މަހާސިއްތަ އެއް ކަމަށެވެ.
"މި މަހާސިންތައަކީ އެންމެ ކާމިޔާބު މަހާސިންތާ. އަދި އެންމެ ގިނަ އަދަދަކަށް އިލްމުވެރިން ހާޒިރުވި މަހާސިންތަ. އެންމެ ގިނަ މަޝްވަރާތައް ވެސް ކުރެވުނީ މި މަހާސިންތައިގައި. އެންމެ ވަރުގަދަކޮށް ބަހުސް ވެސް ކުރެވުނީ މި މަހާސިންތާގައި،" މިނިސްޓަރު ވިދާޅުވިއެވެ.
މިނިސްޓަރު ވިދާޅުވީ އިލްމުވެރިންގެ ބާރާއި ނުފޫޒް އިސްލާމީ މުޖުތަމައުގެ ތެރެއިން ފެނިގެން ގޮސްފައިވީ ނަމަވެސް އަދުގެ ސަރުކާރުން އިލްމުވެރިންގެ ޝަރަފާއި ގަދަރައެއް ކުޑަ ނުކުރާނެ ކަމަށެވެ.
މިނިސްޓަރު ވިދާޅުވީ މަހާސިންތާތައް ބޭއްވި މަހާސިންތާތަކުން އިލްމުވެރިން ހުށަހެޅި ކަރުދާސްތައް ޗާޕް ކުރެވި ރާއްޖޭގެ އެކި ސަރަހައްދުތަކަށް ބަހާފައިވާ ކަމަށާއި ރާއްޖެއިން ބޭރުގައި ދިރިއުޅޭ ދިވެހިންނަށް ވެސް ފޮތްތަކެެއްގެ ޒަރިއްޔާ އިން އެ ކަރުދާސްތައް ދީފައިވާ ކަމަށެވެ.
ތިން ދުވަހުގެ މުއްދަތަަށް ކުރިއަށް ދިޔަ އިލްމުވެރިންގެ މަހާސިންތާގައި ބޭރުގެ ހަ އިލްމުވެރިއަކު ބައިވެރިވެއެވެ.