މިއަދު މެންދުރު 1:30 ކަންހާއިރު، ކޯރުކެނޑި ހިނގުމާއި، އެމަގާއި ގުޅިފައިވާ ސަރަހައްދުތަކުން ކަރަންޓުގެ ހިދުމަތް މެދުކެނޑިފައިވަނީ، ޓްރާންސް ފޯމަރަކަށް ދިމާވި މައްސަލައަކާ ގުޅިގެން ކަމަށް މާލެއަށް ކަރަންޓް ފޯރުކޮށްދޭ ކުންފުނި، ސްޓެލްކޯއިން ބުނެފިއެވެ.
ސްޓެލްކޯއިން ބުނީ، ކަރަންޓުކެނޑެން މެދުވެރިވީ، 2001 ވަނަ އަހަރުން ފެށިގެން ބޭނުންކުރަމުން އަންނަ ސަބްސްޓޭޝަނަކުން، ބޭނުންކުރާން ޖެހޭވަރަށްވުރެ އިތުރަށް ކަރަންޓު ބޭނުންކުރާން އެ ސްޓޭޝަންގެ ޓްރާންސްފޯމަރަކަށް ލިބުނު ގެއްލުމަކާ ގުޅިގެންކަމަށެވެ.
ސްޓެލްކޯއިން ބުނީ، އެ ކުންފުނީގެ މުވައްޒަފުން އެ ސްޓޭޝަން މަރާމާތުކުރުމުގެ މަސައްކަތް ކުރަމުންދާ ކަމަށެވެ. އަދި އާ ޓްރާންސް ފޯމަރެއް ބަހައްޓައި، ކަރަންޓްގެ ހިދުމަތް ކެނޑިފައިވާ ސަރަހައްދު ތަކަށް އަލުން ކަރަންޓް ފޯރުކޮށްދޭން ހައެއްކަ ގަޑިއިރު ހޭދަވާނެކަމަށް ސްޓެލްކޯއިން ބުނެއެވެ.
ފަހަކައް އައިސް މާލެއިން ކަރަންޓް ކެނޑުމުގެ މައްސަލަ ވަނީ އިތުރުވެފައެވެ.