އަލުން ހަދަމުން އަންނަ މަޖީދީމަގުގެ މަސައްކަތް ރޯދަ މަހަށް މެދުކަނޑާލުމަށް ހައުސިން މިނިސްޓްރީން ނިންމައިފި އެވެ.
ހައުސިން މިނިސްޓަރު ޑރ. މުހައްމަދު މުއިއްޒު މިއަދު ވިދާޅުވީ ރޯދަޔަށް އެ މަސައްކަތް މެދުކަނޑާލައި މަޖީދީމަގު ހުޅުވާލުމަށް ނިންމާފައިވާ ކަމަށެވެ.
Majeedhee Magu ge masakkai Ramadan mahah medhu kandaalaa miadhun feshigen magu ekkoh hulhuvaalevifai. Fitr Eid dhuvahah fahu feshigen dhaane
— Dr.Mohamed Muizzu (@MMuizzu) May 17, 2017
ގަލޮޅުދަނޑާ ހަމައަށް އެ މަސައްކަތް މިހާރު ނިމިފައިވާ އިރު ފިތުރު އީދު ދުވަހުން ފެށިގެން އަނބުރާ މަސައްކަތް ފަށާނެ ކަމަށް މިނިސްޓަރު ވިދާޅުވި އެވެ.
މި އަހަރު ކުރީކޮޅު ނިންމަން ބުނި އެ މަސައްކަތްތަކަށް ދިމާވި ތަފާތު ސަބަބުތަކާއި ހުރެ އަދި ވަނީ ނިންމާލެވޭ ގޮތްނުވެފަ އެވެ.
ހައުސިން މިނިސްޓްރީން ބުނީ މަޖީދީމަގު ރަނގަޅު ފެންވަރަކަށް ހެދިގެން ދާއިރު، ކުރިން ހުންނަ އަޑިގުޑަންތަކާއި ހަލާކުވެފައި ހުރި ތަންތަނަށް ބަދަލު ގެންނާނެ ކަމަށެވެ. އަދި ކުދި ގޯޅިތަކަށް ފަސޭހައިން މީހުންނަށް ވަދެ ނުކުމެވޭނެ ގޮތަށް ފަހި ކޮށްދޭނެ ކަމަށެވެ.