ތާޖުއްދީން ސުކޫލް ދަރިވަރުންތަކެއް މާރާމާރީ ހިންގި މައްސަލައެއް ފުލުހުން ބަލަން ފަށައިފި އެވެ.
އެނގިފައިވާ ގޮތުގައި އެ މާރާމާރީ ހިނގީ އިއްޔެ އެ ސްކޫލްގެ ގްރޭޑް އަށެއް އަދި ނުވައެއްގައި ކިޔަވަމުން ދިޔަ ކުދިންތަކެއްގެ މެދުގައެވެ. އަދި މާރާމާރީގައި އެއްވެސް ކުއްޖަކަށް ސީރިއަސް އަނިޔާއެއް ލިބިފައިނުވާއިރު އެއް ކުއްޖަކަށް ވަނީ އަނިޔާވެގެން އައިޖީއެމްއެޗުގައި ފަރުވާ ދިނުމަށްފަހު ދޫކޮށްލާފައެވެ.
ފުލުހުންގެ މީޑިއާ އޮފިޝަލަކު 'ސަން' އަށް ވިދާޅުވީ ތާޖުއްދީން ސްކޫލްގައި މާރާމާރީއެއް ހިނގައިގެން އެމައްސަލަ ވަނީ ފުލުހުންނަށް ރިޕޯޓްކޮށްފައި ކަމަށެވެ. އަދި ތަހުގީގު ކުރެވެމުންދާ މައްސަލައަަކަށް ވުމުން ފުލުހުން އިތުރު ތަފްސީލެއް ނުދެއްވައެވެ.
އެ މައްސަލާގައި ތާޖުއްދީން ސްކޫލްގެ ބަހެއް ވަނީ އަދި ލިބޭ ގޮތް ނުވެފައެވެ.