"މިނަރަލް ވޯޓާ" އަގުބޮޑުކޮށް ވިއްކުން ހުއްޓާލުމަށް އިކޮނޮމިކް މިނިސްޓްރީން އަންގައިފި އެވެ.
އިކޮނޮމިކް މިނިސްޓްރީން މިއަދު ނެރުނު ބަޔާނެއްގައި ބުނެފައި ވަނީ ފުޅީގައި ބަންދުކޮށްގެން ވިއްކާ ފެނަކީ ޢާއްމުކޮށް ރައްޔިތުންގެތެރެއިން ގިނަބަޔަކު ބޭނުންކުރާ އެއްޗަކަށްވާ އިރު، ބައެއް ފިހާރަތަކުން ޢާއްމުކޮށް ވިއްކާ އަގަށްވުރެ ބޮޑުކޮށް ފެން ވިއްކަމުން ގެންދާކަމުގެ ޝަކުވާ އެ މިނިސްޓްރީއަށް ލިބެމުންދާ ކަމަށެވެ.
"ފުޅީގައި ބަންދުކުރި ފެން އަގުބޮޑުކޮށް ނުވިއްކުމަށް މިފަދަ ފަރާތްތަކަށް މިމިނިސްޓްރީ އިން އިލްތިމާސްކުރަން،" އިކޮނޮމިކް މިނިސްޓްރީގެ ބަޔާނުގައި ބުނެފައިވެ އެވެ.
މާލޭގެ ބައެއް ފިހާރަތަކަށް ފެން ކޭސް ގަންނަން ދާ މީހުންނަށް ލިބޭ ޖަވާބަކީ މިހާރު ފެން ނުލިބޭތީ ކޭހުން ފެން ވިއްކެން ނެތް ކަމަށެވެ.
ހޫނު ދުވަސްވަރެއްގައި ފެންލިބުން ދަތިވެފައިވާ އިރު ފެން އުފައްދާ ކުންފުނިތަކުން މިހާރު ވަނީ ފެން އުފައްދާ މިންވަރު އިތުރުކޮށްފައި ކަމަށް އެކުންފުނިތަކުން ބުނެ އެވެ.