އޭޝިއާ ސަރަހައްދުގައި ބާއްވާ އެންމެ ބޮޑު އެއް ކަލިނަރީ މައުރަޒު ކަމަށްވާ، ފުޑް އެންޑް ހޮސްޕިޓާލިޓީ އޭޝިއާ މޯލްޑިވްސް އިންޓަނޭޝަނަލް ކަލިނަރީ ޗެލެންޖު އެންޑް އެކްޒިބިޝަން މިއަހަރުގެ އޭޕްރީލް މަހު ދަރުބާރުގޭގައި ބާއްވަން ހަމަޖައްސައިފިއެވެ.
އެ އެކްޒިބިޝަން މިއަހަރު ރާއްޖޭގައި ހޯސްޓު ކުރާއިރު، މިއަހަރުގެ އެކްޒިބިޝަންގައި ދެކުނު އޭޝިއާގެ 25 ގައުމަކުން 150 އަށްވުރެ ގިނަ ފަރާތްތަކުން ބައިވެރިވާނެއެވެ. އެ އެކްޒިބިޝަން އޯގަނައިޒް ކުރާނީ ސީޑީސީ އާއި ދިވެހި އެކްސްޕޯ ސާވިސް ގުޅިގެންނެވެ.
އެ މައުރަޒު އޮންނާނީ އޭޕްރީލް މަހުގެ ތިން ވަނަ ދުވަހުން ފެށިގެން ހަ ވަނަ ދުވަހުގެ ނިޔަލަށް ދަރުބާރުގޭގަ އެވެ. މައުރަޒުގެ ތެރެއިން ކުރިއަށް ގެންދާނެ ހަރަކާތްތަކުގެ ތެރޭގައި، އިންޓަނޭޝަނަލް ކަލިނަރީ ޗެލެންޖާއި، ހައުސް ކީޕާސް ކޮމްޕެޓިޝަނަކާއި ވޯކްޝޮޕްތަކާއި އިންޑަސްޓްރިއަލް ސެމިނާތައް ހިމެނެއެވެ.
ީސީޑީސީ އާއި ދިވެހި އެކްސްޕޯ ސާވިސްއިން ބުނި ގޮތުގައި އެ އިވެންޓުގެ މެއިން ސްޕޮންސާ އަކީ ލިލީ އިންޓަނޭޝަނަލް އެވެ. އަދި އެ މައުރަޒު މެދުވެރިކޮށް މުޅި ދުނިޔެއަށް ރާއްޖޭގެ ހޮސްޕިޓާލިޓީ އިންޑަސްޓްރީ އެކްސްޕޯސް ވެގެން ދާނެ ކަމަށްވެސް ސީޑީސީ އާއި ދިވެހި އެކްސްޕޯ ސާވިސްއިން ބުންޏެވެ.
މިދިޔަ އަހަރުވެސް މި ޗެލެންޖު ބާއްވާފައިވަނީ ދަރުބާރުގޭގައެވެ. އެގޮތުން ދުނިޔޭގެ އެކި ހިސާބުތަކުން 450 އަށް ވުރެ ގިނަ ކައްކާއިން އެ ޗެލެންޖުގައި ބައިވެރިވި އެވެ.
ޓޫރިޒަމް ދާއިރާ އަށް ސަޕްލައި ކުރުމުގައި ރާއްޖެ އާއި ރާއްޖޭން ބޭރުން ހަރަކާތްތެރިވާ ފަރާތްތަކަށް ހާއްސަކޮށްފައިވާ 120 ސްޓޯލްއެއް އެ އެގްޒިބިޝަންގައި ވަނީ ހިމަނައިފަ އެވެ. އެ ސްޓޯލްތަކުން ފަތުރުވެރިކަމަށް ބޭނުންވާ ތަފާތު ތަކެތި ލިބެން ހުރެ އެވެ. މިއަހަރުގެ ސްޓޯލްތަކުން ވެސް ޓޫރިޒަމް ދާއިރާއަށް ސަޕްލައި ކުރާ ފަރާތްތައް ފެނިގެންދާނެ އެވެ.