ސަރުކާރުގެ މައި ވިޔަފާރި ކުންފުނި، އެސްޓީއޯގެ ޗެއާމަން ކަމަށް ހުސެއިން ސާލިމް އައްޔަނުކުރައްވައި، އެމްޓީސީސީގެ ޗެއާމަންގެ މަގާމަށް އަހުމަދު ނިޔާޒު އައްޔަނުކުރައްވައިފި އެވެ.
އެސްޓީއޯގެ ޗެއާމަނަކަށް ހަމަޖެއްސެވި، އެމްޑީއޭގެ މެމްބަރު ހުސެއިން ސާލިމް ކުރިން ހުންނެވީ އެމްޓީސީސީގެ ޗެއާމަން ކަމުގަ އެވެ. އެމްޓީސީސީގެ ޗެއާމަނަކަށް ހަމަޖެއްސެވި ސ. މީދޫ ހަސަންކާރީގެ އަހްމަދު ނިޔާޒު ކުރިން ހުންނެވީ އެސްޓީއޯގެ ޗެއާމަނަކަށެވެ.
ޕްރައިވެޓޭޝަން ބޯޑުގެ ޗެއާމަން މުހައްމަދު ނިޒާރު މިއަދު ކުރެއްވި ދެ ޓުވީޓެއްގައި ވިދާޅުވީ އެ ދެބޭފުޅުން އެ ދެ މަގާމަށް އައްޔަން ކުރެއްވީ އިއްޔެ ކަމަށެވެ.