ލ. ގާދޫގައި ގަވާއިދާ ހިލާފަށް ކުރުނބާ އަޅަމުން ދިޔަ ބަޔަކު ހައްޔަރުކޮށްފި އެވެ.
އެ މައްސަލައިގައި އެ ރަށުން ތިން ފިރިހެނުން ހައްޔަރުކޮށްފައި ވާއިރު، އޭގެ ތެރޭގައި ހިމެނެނީ 49 އަހަރުގެ ދިވެހި ފިރިހެނަކާއި ބަންްލަދޭޝް ދެ ފިރިހެނުންނެވެ.
އެ ތިން މީހުން ހައްޔަރުކޮށްފައި ވަނީ ފުލުހުންނަށް ލިބުނު މައުލޫމާތަކާ ގުޅިގެން އިއްޔެ ހެނދުނު އެވެ.
ފުލުހުން ބުނީ އެ މައްސަލައާ ގުޅިގެން ގާދޫ ބެލިބެލުމުން ގަވާއިދާ ހިލާފަށް އަޅާފައިވާކަމަށް ބެލެވޭ ގިނަ އަދަދެއްގެ ކުރުބާ ހޯދިފައިވާ ކަމަށެވެ.
ގާދޫ އަކީ ސަރުކާރުގެ އެއްފަސްކުރުމުގެ ސިޔާސަތުގެ ދަށުން، މީހުން ބާލާފައިވާ ރަށެކެވެ. ގާދޫ ރައްޔިތުން ބަދަލުކޮށްފައި ވަނީ އެ އެއަތޮޅު ފޮނަދުއަށެވެ.