ސްކިލް ޓްރެއިނިން ސެންޓަރުގެ ފަރާތުން ކުޑަކުދިންގެ ދުވަސް ފާހަގަކުރުމަށް ހިންގާ ހަރަކާތްތަކުގެ ތެރެއިން އައިޖީއެމްއެޗްގައި އެޑްމިޓްކޮށްފައިވާ ކުޑަކުދިންނަށް ހަދިޔާ ބަހައިފި އެވެ.
ސްކިލް ޓްރެއިނިން ސެންޓަރުގެ ފައުންޑާ ދިމްނާ ފާކިރު ވިދާޅުވީ، އައިޖީއެމްއެޗްގެ ޕީޑިއަޓްރިކް ވޯޑުގައި އެޑްމިޓްކޮށްފައިވާ ކުޑަކުދިންނާއި އެންއައިސީޔޫގައި އެޑްމިޓްކޮށްފައިވާ ކުޑަކުދިންނަށް ހަދިޔާ ބަހާފައިވާ ކަމަށެވެ.
އެގޮތުން މޭވާގެ ބާވަތްތަކާއި ކުޑަކުދިންގެ ނެޕީ ފަދަ ތަކެތީގެ އިތުރުން ލިލީ އެންޓަޕްރައިސަސް އާއި އެހެނިހެން ހެޔޮއެދޭ ފަރާތްތަކުން ތަފާތު ހަދިޔާތައް ދީފައިވާ ކަމަށް ދިމްނާ ވިދާޅުވި އެވެ.
ދިމްނާ ވިދާޅުވީ، ސްކިލް ޓްރެއިނިން ސެންޓަރުން ގެންދަނީ ކުޑަކުދިންގެ ދުވަހާ ގުޅުވައިގެން ތަފާތު ހަރަކާތްތައް ހިންގަމުން ކަމަށެވެ. އެގޮތުން ކުޑަކުދިންނަށް ހާއްސަކޮށް ކުރިއަށްގެންދިޔަ ކިޑްސް އާޓް ޕްރޮގްރާމްގެ ނަތީޖާ އިއުލާނުކުރުން ހޮނިހިރު ދުވަހު އޮންނާނެ ކަމަށް ދިމްނާ ވިދާޅުވި އެވެ.
އޭގެ އިތުރުން މާދަމާ ތެލެސީމިއާ ސެންޓަރުގައި ތިބި ބަލި ކުދިންނަށް ވެސް ހަދިޔާ ބަހާނެކަމަށް ދިމްނާ ވިދާޅުވި އެވެ.