ރާއްޖޭގެ އިސްލާމިކް ޔުނިވާސިޓީ (އައިޔޫއެމް) އިން ޖޫން މަހު ފަށާ ކޯސްތަކަށް ކުރިމަތި ލުމުގެ ފުރުސަތު ހުޅުވާލައިފި އެވެ.
އެ ޔުނިވާސިޓީ އިން އިއްޔެ ނެރުނު އިއުލާނުގައި ވަނީ 36 ކޯހަކަށް ކުރިމަތި ލުމުގެ ފުރުސަތު ހުޅުވާލައިފަ އެވެ. އޭގެ ތެރޭގައި ޑޮކްޓަރޭޓު ފެންވަރުގެ ކޯހަކާއި މާސްޓާސް އަދި ބެޗްލާސްގެ އިތުރުން ސެޓްފިކެޓު ލެވެލްގެ ކޯސްތައް ހިމެނެ އެވެ.
އައިޔޫއެމްގެ ކޯސްތަކަށް ކުރިމަތި ލުމުގެ ފުރުސަތު މި މަހުގެ ނިޔަލަށް ހުޅުވާލާފައިވާ އިރު ކޯސްތަކަށް ކުރިމަތިލުމަށް އެދޭ ފޯމު އެ ޔުނިވާސިޓީގެ ކައުންޓަރުންނާއި ދަރިވަރުންގެ ހިދުމަތްތަކާ ބެހޭ ބައިގެ އިދާރާ އަދި ވެބްސައިޓުން ލިބެން ހުންނާނެ ކަމަށް އެ ޔުނިވާސިޓީ އިން ބުނެ އެވެ.
އެ ޔުނިވަސިޓީގެ ޖޫން މަހުގެ ކިޔެވުން ފެށުމަށް ހަމަޖެހިފައި ވަނީ އެ މަހުގެ 19 ވަނަ ދުވަހު އެވެ.