އަށާރަ ވަނަ އިންޓަ ސްކޫލް ބާސްކެޓްބޯޅަ މުބާރާތުގައި 14 ސްކޫލަކުން 47 ޓީމު ބައިވެރިވެއްޖެ އެވެ.
އިންޓަ ސްކޫލް ބާސްކެޓްބޯޅަ މުބާރާތުގައި ބައިވެރިވެފައިވަނީ ދަރުމަވަންތަ ސްކޫލް، މަޖީދިއްޔާ ސްކޫލް، އަމީނިއްޔާ ސްކޫލް، ރެހެންދި ސްކޫލް، ބިލަބޮންގް ހައި އިންޓަނޭޝަނަލް ސްކޫލް، އިސްކަންދަރު ސްކޫލް، އިމާދުއްދީނު ސްކޫލް، ޖަމާލުއްދީނު ސްކޫލް، ތާޖުއްދީނު ސްކޫލް، ޣިޔާސުއްދީނު އިންޓަނޭޝަނަލް ސްކޫލް، ކަލާފާނު ސްކޫލް، ލާލޭ ޔޫތު އިންޓަނޭޝަނަލް ސްކޫލް، އަހުމަދިއްޔާ އިންޓަނޭޝަނަލް ސްކޫލް އަދި ޣާޒީ ސްކޫލެވެ.
އެ މުބާރާތުގެ 12 އަހަރުން ދަށުގެ އުމުރުފުރާގައި ބައިވެރިވެފައިވަނީ ފިރިހެން ހަތް ޓީމަކާއި އަންހެން ހަތް ޓީމެކެވެ. އެއީ ބިލަބޮންގްގެ ފިރިހެން ޓީމާއި، އިސްކަންދަރުގެ އަންހެން ޓީމާއި، އިމާދުއްދީނުގެ ފިރިހެން އަދި އަންހެން ޓީމާއި، ޖަމާލުއްދީނުގެ ފިރިހެން އަދި އަންހެން ޓީމާއި، ތާޖުއްދީނުގެ އަންހެން އަދި ފިރިހެން ޓީމާއި، ޣިޔާސުއްދީނުގެ ފިރިހެން އަދި އަންހެން ޓީމާއި، ކަލާފާނުގެ ފިރިހެން އަދި އަންހެން ޓީމުގެ އިތުރުން ލާލޭގެ ފިރިހެން އަދި އަންހެން ޓީމެވެ.
މުބާރާތުގެ 14 އަހަރުން ދަށުގެ އުމުރުފުރާގައި ބައިވެރިވެފައިވަނީ ފިރިހެން 12 ޓީމަކާއި އަންހެން އަށް ޓީމެކެވެ. އެއީ ދަރުމަވަންތަގެ ފިރިހެން ޓީމާއި، މަޖީދިއްޔާގެ ފިރިހެން ޓީމާއި، އަމީނިއްޔާގެ އަންހެން ޓީމާއި، ރެހެންދިގެ ފިރިހެން އަދި އަންހެން ޓީމާއި، އިސްކަންދަރުގެ ފިރިހެން އަދި އަންހެން ޓީމާއި، އިމާދުއްދީނުގެ ފިރިހެން އަދި އަންހެން ޓީމާއި، ޖަމާލުއްދީނުގެ ފިރިހެން އަދި އަންހެން ޓީމާއި، ތާޖުއްދީނުގެ ފިރިހެން ޓީމާއި، ޣިޔާސުއްދީނުގެ ފިރިހެން ޓީމާއި، ކަލާފާނުގެ ފިރިހެން އަދި އަންހެން ޓީމާއި، ލާލޭގެ ފިރިހެން އަދި އަންހެން ޓީމާއި، އަހުމަދިއްޔާގެ ފިރިހެން އަދި އަންހެން ޓީމުގެ އިތުރުން ޣާޒީ ސްކޫލުގެ ފިރިހެން ޓީމެވެ.
އެ މުބާރާތުގެ 16 އަހަރުން ދަށުގެ އުމުރުފުރާގައި ބައިވެރިވެފައިވަނީ ފިރިހެން ހަ ޓީމަކާއި އަންހެން ހަތް ޓީމެކެވެ. އެއީ ދަރުމަވަންތަގެ ފިރިހެން ޓީމާއި، މަޖީދިއްޔާގެ ފިރިހެން ޓީމާއި، އަމީނިއްޔާގެ އަންހެން ޓީމާއި، ރެހެންދިގެ އަންހެން ޓީމާއި، ބިލަބޮންގްގެ އަންހެން ޓީމާއި، އިސްކަންދަރުގެ ފިރިހެން އަދި އަންހެން ޓީމާއި، އިމާދުއްދީނުގެ ފިރިހެން އަދި އަންހެން ޓީމާއި، ޣިޔާސުއްދީނުގެ އަންހެން ޓީމާއި، ކަލާފާނުގެ ފިރިހެން އަދި އަންހެން ޓީމުގެ އިތުރުން ޣާޒީ ސްކޫލުގެ ފިރިހެން ޓީމެވެ.
މޯލްޑިވްސް ބާސްކެޓްބޯލް އެސޯސިއޭޝަން (އެމްބީއޭ) އިން އިންތިޒާމުކޮށްގެން ބާއްވާ އިންޓަ ސްކޫލް ބާސްކެޓްބޯޅަ މުބާރާތް ކުރިއަށްދާނީ މި މަހުގެ 12 ވަނަ ދުވަހުން ފެށިގެން 28 ވަނަ ދުވަހުގެ ނިޔަލަށެވެ.