ތިން އުމުރު ފުރައަކުން ޖުމުލަ 39 ޓީމު ބައިވެރިކޮށްގެން މައިލޯ ދެވަނަ އިންޓަ ސްކޫލް ހޭންޑްބޯލް މުބާރާތުގެ ގުރުނެގުން ބާއްވައިފިއެވެ. މިފަހަރުގެ މުބާރާތް ކުރިއަށް ގެންދިއުމަށް ހަމަޖެހިފައި ވަނީ، އަންނަ އޭޕްރީލް މަހުގެ 10 އަކުން 23ގެ ނިޔަލަށް ހެންވޭރު ދަނޑުގައެވެ.
ހޭންޑްބޯލް މޯލްޑިވްސްގެ އޮފީހުގައި މިއަދު މެންދު ފަހު 1:30 ގައި މުބާރާތުގެ ގުރު ނެގުން ކުރިއަށް ގެންގޮސްފައި ވާއިރު، މިިފަހަރު ގެ މުބާރާތުގެ އުމުރު ފުރާތައް ބަހާލާފައި ވަނީ، ދެ ޖިންސު ހިމެނޭ ގޮތަށް 12 އަހަރުން ދަށާއި 14 އަހަރުން ދަށާއި 16 އަހަރުން ދަށެވެ.
ހޭންޑްބޯލް މޯލްޑިވްސް އޮފީހުގައި މިއަދު ކުރިއަށް ގެންދިޔަ އިންޓަސްކޫ ހޭންޑްބޯލް މުބާރާތުގެ ގުރުނެގުމުގެ ރަސްމިއްޔާތުގެ ތެރޭން -- ސަން ފޮޓޯ: އަހްމަދު މުޖްތަބާ
މިފަހަރުގެ މުބާރާތުގައި އެކި އުމުރުފުރާއިން އަންހެން 19 ޓީމާއި ފިރިހެން 20 ޓީމު ބައިވެރިވެއެވެ. އޭގެ ތެރޭގައި 12 އަހަރުން ދަށުގެ 16 ޓީމާއި، 14 އަހަރުން ދަށުގެ 12 ޓީމު ހިމެނޭއިރު 16 އަހަރުން ދަށުގެ 11 ޓީމު ހިމެނެއެވެ.
ރާއްޖޭގެ އެކި ސަރަހައްދުތަކުގައި ހޭންޑްބޯލް ކުރިއެރުވުމަށް ހޭންޑްބޯލް މޯލްޑިވްސް އިން މަސައްކަތްތަކެއް ކުރަމުން ގެންދިޔަ ނަމަވެސް، މިފަހަރުގެ މުބާރާތުގައި ވެސް އަތޮޅު ތެރޭން ބައިވެރިވެފައި ވަނީ، އެންމެ ސްކޫލަކުން އެންމެ ޓީމެކެވެ. އެއީ 16 އަހަރުން ދަށުގެ ބައިގައި ކ. މާފުށި ސްކޫލްގެ އަންހެން ޓީމެވެ.
މާފުށި ސްކޫލްގެ އިތުރުން މިފަހަރުގެ މުބާރާތުގައި ބައިވެރިވެފައި ވަނީ، އަރަބިއްޔާ ސްކޫލް، ދަރުމަވަންތަ ސްކޫލް، މަޖީދިއްޔާ ސްކޫލް، ރެހެނދި ސްކޫލް، އިސްކަންދަރު ސްކޫލް، ތާޖުއްދީން ސްކޫލް، ޣިޔާސުއްދީން އިންޓަނޭޝަނަލް ސްކޫލް އަދި ކަލާފާނު ސްކޫލެވެ.
ހޭންޑްބޯލް މޯލްޑިވްސް އޮފީހުގައި މިއަދު ކުރިއަށް ގެންދިޔަ އިންޓަސްކޫ ހޭންޑްބޯލް މުބާރާތުގެ ގުރުނެގުމުގެ ރަސްމިއްޔާތުގެ ތެރޭން -- ސަން ފޮޓޯ: އަހްމަދު މުޖްތަބާ
ތިރީގައި މިވަނީ މިފަހަރުގެ މުބާރާތުގައި ބައިވެރިވި އުމުރު ފުރާތަކާއި ގްރޫޕްތަކާއި އަދި ޓީމުތަކުގެ މައުލޫމާތެވެ.
12 އަހަރުން ދަށް، އަންހެން:
ގްރޫޕް- އޭ
- ޣިޔާސުއްދީން އިންޓަނޭޝަނަލް ސްކޫލް
- ކަލާފާނު ސްކޫލް
- ތާޖުއްދީން ސްކޫލް
- ދަރުމަވަންތަ ސްކޫލް
ގްރޫޕް- ބީ
- ރެހެނދި ސްކޫލް
- އިސްކަންދަރު ސްކޫލް
- މަދްރަސަތުލް އަރަބިއްޔަތުލް އިސްލާމިއްޔާ
- މަޖީދިއްޔާ ސްކޫލް
12 އަހަރުން ދަށް، ފިރިހެން:
ގްރޫޕް- އޭ
- އިސްކަންދަރު ސްކޫލް
- ދަރުމަވަންތަ ސްކޫލް
- މަޖީދިއްޔާ ސްކޫލް
- ތާޖުއްދީން ސްކޫލް
ގްރޫޕް- ބީ
- މަދްރަސަތުލް އަރަބިއްޔަތުލް އިސްލާމިއްޔާ
- ކަލާފާނު ސްކޫލް
- ޣިޔާސުއްދީން އިންޓަނޭޝަނަލް ސްކޫލް
- ރެހެނދި ސްކޫލް
14 އަހަރުން ދަށް، އަންހެން:
- އިސްކަންދަރު ސްކޫލް
- މަދްރަސަތުލް އަރަބިއްޔަތުލް އިސްލާމިއްޔާ
- ކަލާފާނު ސްކޫލް
- ޣިޔާސުއްދީން އިންޓަނޭޝަނަލް ސްކޫލް
- ރެހެނދި ސްކޫލް
14 އަހަރުން ދަށް، ފިރިހެން:
ގްރޫޕް- އޭ
- ޣިޔާސުއްދީން އިންޓަނޭޝަނަލް ސްކޫލް
- މަދްރަސަތުލް އަރަބިއްޔަތުލް އިސްލާމިއްޔާ
- ކަލާފާނު ސްކޫލް
ގްރޫޕް- ބީ
- ރެހެނދި ސްކޫލް
- އިސްކަންދަރު ސްކޫލް
- ދަރުމަވަންތަ ސްކޫލް
- މަޖީދިއްޔާ ސްކޫލް
16 އަހަރުން ދަށް، އަންހެން:
ގްރޫޕް- އޭ
- އަމީނިއްޔާ ސްކޫލް
- ތާޖުއްދީން ސްކޫލް
- ރެހެނދި ސްކޫލް
ގްރޫޕް- ބީ
- މަދްރަސަތުލް އަރަބިއްޔަތުލް އިސްލާމިއްޔާ
- މާފުށި ސްކޫލް
- އިސްކަންދަރު ސްކޫލް
16 އަހަރުން ދަށް، ފިރިހެން:
- މަދްރަސަތުލް އަރަބިއްޔަތުލް އިސްލާމިއްޔާ
- ދަރުމަވަންތަ ސްކޫލް
- މަޖީދިއްޔާ ސްކޫލް
- ރެހެނދި ސްކޫލް
- އިސްކަންދަރު ސްކޫލް
ހޭންޑްބޯލް މޯލްޑިވްސް އިން ބުނީ، މުބާރާތުގެ މެޗުތައް ކުޅުމަށް ހަމަޖެހިފައި ވަނީ، ހެންވޭރު ބޯޅަ ދަނޑުގައި ކަމަށާއި، އަދި، މި މުބާރާތުގެ 16 އަހަރުން ދަށުގެ ފިރިހެން އުމުރު ފުރައާއި، 14 އަހަރުން ދަށުގެ އަންހެން އުމުރު ފުރައިގެ މެޗުތައް ކުރިއަށް ގެންދާނީ، ގްރޫޕް ސްޓޭޖް ކުޅެ ނިމޭއިރު އެންމެ ގިނައިން ޕޮއިންޓް ލިބޭ ދެ ޓީމެއް ފައިނަލަށް ދާ ގޮތަށް ކަމަށެވެ. އެހެނިހެން އުމުރު ފުރާތައް ކުރިއަށް ގެންދާނީ، ކޮންމެ އުމުރު ފުރައެއްގެ ވެސް ގްރޫޕް އޭ އަދި ގްރޫޕް ބީގެ އެއްވަނަ އާއި ދެވަނައަށް ދާ ޓީމުތައް ސެމީ ފަައިނަލް ކުޅެ، ޓީމުތައް ފައިނަލަށް ހޮވާ ގޮތަށް ކަމަށެވެ.
ސްކޫލްތަކުގެ މެދުގައި އެންމެ ފުރަތަމަ ހޭންޑްބޯލް މުބާރާތެއް ބާއްވާފައިވަނީ މިދިޔަ އަހަރު އެވެ. އެ މުބާރާތުގެ އެންމެ ކާމިޔާބު ސްކޫލަކަށް ދަރުމަވަންތަ ސްކޫލް ހޮވިފައިވާ އިރު، އެ ސްކޫލް ވަނީ 6 ސްކޫލަކުން 16 ޓީމް ވާދަކުރި އެ މުބާރާތުގެ 16 އަހަރުން ދަށުގެ ފިރިހެން ބައިގެ ޗެމްޕިއަން ކަމާއި 14 އަހަރުން ދަށުގެ ފިރިހެން ބައިގެ ޗެމްޕިއަން ކަމާއި 12 އަހަރުން ދަށުގެ އަންހެން ކުދިންގެ ބައިގެ ރަނަ-އަޕް ކަން ހޯދައިފައެވެ.