މޫސުން ގޯސްވުމުގެ ސަބަބަނުން މާފަންނު ސްޓޭޑިއަމް ސަރަހައްދުގައި އަޟުހާ އީދު ނަމާދު ނޯންނާނެ ކަމަށް އިސްލާމިކް މިނިސްޓްރީން ބުނެފި އެވެ.
އިސްލާމިކް މިނިސްޓްރީގެ ޑެޕިއުޓީ މިނިސްޓަރު އިބުރާހީމު އަހުމަދު މިރޭ ސަން އަށް ވިދާޅުވީ މޫސުމާ ބެހޭ ގައުމީ އިދާރާގެ ލަފާގެ މަތިން މާދަމާ އީދު ނަމާދު ސުޓޭޑިއަމްގައި ނުބޭއްވުމަށް ނިންމާފައިވާ ކަމަށެވެ. މާދަމާ މާލޭގެ ހުކުރު ކުރާ ހުރިހާ މިސްކިތެއްގައި އީދު ނަމާދު ކުރުން އޮންނާނެ ކަމަށް އިބްރާހިމް ވިދާޅުވިއެވެ.
"މެޓުގެ ރިކުއެސްޓާއެކުގައި އަޅުގަނޑުމެން ބޮޑު މައިދާނުގައި ނުބާއްވާގޮތަށް، މާލޭގަ ހުކުރު ކުރާ ހުރިހާ މިސްކިތެއްގައި އީދު ކުރުން އޮންނާނެ." އިބްރާހިމް ވިދާޅުވިއެވެ.
ވޭތުވެދިޔަ ފިތުރު އީދުވެސް ބޮޑު ޖަމާއަތުގައި ބޭއްވިފައި ނުވަނީ މޫސުން ގޯސްވެ ވިއްސާރަވުމުމުގެ ސަބަބުންނެވެ.