ރ. ވަންދޫ ބަނދަރު ފުންކުރުމުގެ މަސައްކަތް ކުރާނެ ބަޔަކު ހޯދަން މިނިސްޓްރީ އޮފް ފިނޭންސުން އިއުލާންކޮށްފި އެވެ.
ރ. ވަންދޫ އަކީ ނ.ރ، ބ އަދި ޅ ގެ މީހުން ދިރިއުޅޭ ރަށްތަކާއި ރިސޯޓްތަކާއި އިންޑަސްޓްރިއަށް ރަށްތަކުން ކުނި ގެންދިއުމަށް ހަދާ ރީޖަނަލް ވޭސްޓް މެނޭޖްމެންޓް ސިސްޓަމް ހުންނަ ރަށެވެ.
އެ ޕްރޮޖެކްޓަކީ ވޯލްޑް ބޭންކުގެ 13 މިލިއަން ޑޮލަރުގެ ޕްރޮޖެކްޓެކެވެ. އެ ޕްރޮޖެކްޓް ފެށީ 2011 ވަނަ އަހަރުއެވެ.
އެ ރަށުގައި މިހާރު ވެސް ވަނީ ކުޑަ ބަނދަރެއް ހަދާފައެވެ. ނަމަވެސް ފުންކޮށްފައިވާ ފަޅުގެ ބައެއް ދިމާލުން ވަރަށް ބޮޑަށް ތިލަވެފައިވެ އެވެ.
ރ. ވަންދޫ ބަނދަރުފުންކުރުމުގެ ޕްރޮޖެކްޓްގެ ޕްރީބިޑް ބައްދަލުވުން އޮންނާނީ 16 ސެޕްޓެމްބަރު ވާ ބުދަ ދުވަހު އެވެ. ޕްރޮޖެކްޓްގެ ބިޑް ސެކިއުރިޓީގެ ގޮތުގައި 20000 ރުފިޔާ ހުށަހަޅަންޖެހެއެވެ.