ޕައޮލޯ ގެރޭރޯގެ ހެޓްރިކުން 3-1 ގެ ނަތީޖާއަކުން ބޮލީވިއާގެ މައްޗަށް ކާމިޔާބު ހޯދައި ކޮޕަ އެމެރިކާގެ ސެމީފައިނަލްގައި މުބާރާތް ބާއްވާ ގައުމު ޗިލީއާ ދެކޮޅަށް ނިކުންނަ ޓީމަކަށް ޕެރޫ ވެއްޖެ އެވެ.
ރޭ ކުޅުނު ކްއާޓާ ފައިނަލް މެޗްގައި ގެރޭރޯ ފުރަތަމަ ލަނޑު ކާމިޔާބު ކުރީ މެޗްގެ 20 ވަނަ މިނެޓްގައި ހުއާން ވެރަގާސް ހުރަސް ކުރި ބޯޅަ ބޮލުން ޖަހައި ގޯލްތެރެއަށް ފޮނުވާލައިގެންނެވެ.
ގެރޭރޯ ދެ ވަނަ ލަނޑު ކާމިޔާބު ކުރީ ފުރަތަމަ ލަނޑު ކާމިޔާބު ކުރިތާ ތިން މިނެޓްފަހުން މެޗްގެ 23 ވަނަ މިނެޓްގައެވެ.
ތިން ވަނަ ލަނޑު ކާމިޔާބު ކުރީ މެޗްގެ މެޗްގެ 74 ވަނަ މިނެޓްގައެވެ.
ބޮލީވިއާގެ ހަމައެކަނި ލަނޑު ލިބުނު ޕެނަލްޓީއަކުން ކާމިޔާބު ކުރީ މޮރޭނޯ މާޓިންސްއެވެ. މިޕެނަލްޓީއަކީ ބޮލީވިއާގެ ޑެމިއަން ލީޒިއޯއަށް ޕެރޫގެ ޕެނަލްޓީއޭރިއާގެ ތެރެއިން އެޓީމުގެ ޑިފެންޑަރު ލުއިސް އެޑްވިންކޫލާ ކުރި ފައުލަކާ ގުޅިގެން ލިބުނު ޕެނަލްޓީއެކެވެ.
ޕެރޫއާ ދެކޮޅަށް ސެމީފައިނަލްގައި ނިކުންނަ މުބާރާތް ބާއްވާ ގައުމު ޗިލީ ސެމީއަށް ދަތުރު ކުރީ މުބާރާތުގެ އެންމެފަހުގެ ޗެމްޕިއަން އުރުގުއޭ ކަޓުވާލުމަށްފަހުއެވެ. އުރުގުއޭގެ މައްޗަށް ޗިލީ ކާމިޔާބު ހޯދީ 1-0 ގެ ނާތީޖާއަކުންނެވެ.
ޕެރޫއާ ޗިލީ ބައްދަލު ކުރާ ސެމީފައިނަލް މެޗް އޮންނާނީ މިއަންނަ ހޯމަ ދުވަހުގެ ރޭ ރައްޖޭގަޑިން ފަތިހު 4:30 ގައެވެ.
ކްއާޓާ ފައިނަލް ތިން ވަނަ މެޗްގައި މިރޭ ބައްދަލުކުރާނީ ކޮލަމްބިއާއި އާޖެންޓީނާއެވެ. މިމެޗް ފެށޭނީ ރާއްޖޭގަޑިން މިރޭ ފަތިހު 4:30 ގައެވެ.