ބިދޭސީއެއް ގޮވައިގެން ވެލި ނަގަން ދިޔަ އުކުޅަހު މީހަކު ދެ ކިލޯގެ ހުދަންބަރު މާވަހަރެއް ހޮވައިފި އެވެ.
އެ މާވަހަރު ހޮވި އއ. އުކުޅަސް، ކަރުނޭސަންމާގޭ، އަހުމަދު ހަލީމް، ބުނީ މިއަދު އޭނާއަށް އެ މާވަހަރު ފެނިފައިވަނީ ބިދޭސީއެއް ގޮވައިގެން ވެއްޔަށް ގޮސްއުޅެނިކޮށް އެރަށްކައިރީ އޮންނަ ފަޅެއް ކަމަށްވާ "ކަލިގިލި ފަޅު"ން ކަމަށެވެ. އެމާވަހަރުގެ ބަރުދަނުގައި ދެކިލޯ ހުރި ކަމަށް އޭނާ ބުންޏެވެ.
"މާވަހަރެއްކަން ޔަގީން. މި ބެލި އެންމެން ބުނީ މާވަހަރެކޭ. ދެން މާދަން މިއުޅެނީ ސާމްޕަލް މާލެ ފޮނުވަން،" އަހުމަދު ބުންޏެވެ.
އަހުމަދު ބުނީ، އޭނާ ގަސްތުކުރަނީ ގުރާމަކަށް 25 ޑޮލަރުގެ ރޭޓުން މާވަހަރު ވިއްކަން ކަމަށެވެ.
އަހުމަދަކީ ހަތަރު ބިދޭސީން ގޮވައިގެން ވެލި ނެގުމާއި ގާއަޅައިގެން ގާ ވިއްކުމުގެ ވިޔަފާރި އުކުޅަހުގައި ކުރާ މީހެކެވެ.