ސަރުކާރު ކޯލިޝަންގެ ފަރާތުން ރައްޔިތުންގެ މަޖިލީހުގެ ހެންވޭރު އުތުރު ދާއިރާ އަށް ވާދަކުރައްވާ ކެންޑިޑޭޓަކަށް ޕީޕީއެމްގެ ކުރީގެ ކައުންސިލް މެމްބަރު އަހްމަދު ސަލީމް (މާޒް ސަލީމް) ހަމަޖައްސަވައިފި އެވެ.
ސަން އަށް މައުލޫމާތު ދެއްވަމުން މާޒް ސަލީމް ވިދާޅުވީ ޖުމްހޫރީ ޕާޓީގެ ޓިކެޓުގައި ހެންވޭރު އުތުރު ދާއިރާއަށް ވާދަކުރެއްވުމުގެ ޓިކެޓު އޭނާއަށް ދެއްވިކަން އެ ޕާޓީން ރޭ އޭނާ އަށް އަންގާފައިވާ ކަމަށެވެ.
މާޒް ސަލީމް ވިދާޅުވީ ހެންވޭރު އުތުރު ދާއިރާގެ މަޖިލީސް މެމްބަރުކަމަށް އޭނާ ވާދަކުރެއްވުމަށް އެ ދާއިރާގެ ރައްޔިތުން ވަރަށް ބޮޑަށް ބޭނުންވާ ކަމަށެވެ.
މާލޭގެ ދާއިރާތަކުގެ ތެރެއިން ޖުމްހޫރީ ޕާޓީއަށް ދެން ދީފައި ވަނީ މާފަންނު އުތުރު ދާއިރާ އެވެ. ބާކީ ހުރި ދާއިރާތަށް ދީފައި ވަނީ ޕީޕީއެމަށެވެ.
އެމްޑީޕީގެ ޓިކެޓު ދެ ދާއިރާ އަށް ވާދަކުރައްވަނީ ރައްޔިތުންގެ މަޖިލީހުގެ ރައީސް އަބްދުﷲ ޝާހިދެވެ.
date_range
ބުދަ 15 ޖެނުއަރީ 2025