ގަބުރުސްތާނެއްގެ ތެރޭގައި ޕޮޑްކާސްޓެއް ރެކޯޑްކުރި މައްސަލައެއްގައި، ޕާކިސްތާނުގެ މަގުބޫލު ކޮންޓެންޓް ކްރިއޭޓަރު އަދި ހޯސްޓް ރެހާން ތާރިޤްއަށް އާންމުންގެ ބޮޑެތި ފާޑުކިޔުންތަކަކާއި ނުރުހުން އަމާޒުވެއްޖެއެވެ.
ރެހާން ތާރިޤަކީ އިނގިރޭސިވިލާތުގައި ހުރެގެން، ޕާކިސްތާނުގެ ކުރީގެ ބޮޑުވަޒީރު އިމްރާން ޚާނަށް ތާއީދުކޮށް ސިޔާސީ ވާހަކަތައް ދެއްކުމުގެ އިތުރުން، އަންހެން ސެލެބްރިޓީންނާއި ޓިކްޓޮކަރުންގެ އަބުރާއި އިއްފަތްތެރިކަމަށް ހުތުރުވާގޮތަށް ވާހަކަދައްކާ ފަރާތްތަކަށް ޕްލެޓްފޯމް ދޭކަމަށް ބުނެ މީގެ ކުރިންވެސް ގިނަ ބައެއްގެ ފާޑުކިޔުން އަމާޒުވެފައިވާ ފަރާތެކެވެ.
ޕާކިސްތާނުގެ ކޮންޓެންޓް ކްރިއޭޓަރު އަދި ހޯސްޓް ރެހާން ތާރިޤް ގަބުރުސްތާނުގައި ޕޮޑްކާސްޓް ޝޯއެއް ޝޫޓްކުރަނީ--ފޮޓޯ/ފޭސްބުކްމިފަހަރު އޭނާއަށް ފާޑުކިޔުން އަމާޒުވީ، ގަބުރުސްތާނެއްގެ ތެރޭގައި ޕޮޑްކާސްޓް ސެޓަޕެއް ހަދައިގެން މީހަކާ އިންޓަވިއު ކުރާ މަންޒަރު ފެންނަ ވީޑިއޯއެއް އިންސްޓަގްރާމްގައި ހިއްސާކުރުމާ ގުޅިގެންނެވެ. މަޢުލޫމާތު ލިބޭގޮތުގައި، މި އެޕިސޯޑަކީ ގަބުރުސްތާނުތަކުގައި ހިނގާ ސިއްރު ކަންކަމާއި، ސިހުރު ހާހޫރަ ފަދަ މައުޟޫއުތަކަށް އަލިއަޅުވާލައި ތައްޔާރުކޮށްފައިވާ އެޕިސޯޑެކެވެ.
އެފަދަ ވީޑިއޯއެއް ރެކޯޑްކުރުމަކީ މައްޔިތުންގެ ޙުރުމަތް ކެނޑުމުގެ ޢަމަލެއްގެ ގޮތުގައި ގިނަ ބަޔަކު ވަނީ ސިފަކޮށްފައެވެ. ސޯޝަލް މީޑިއާގައި ޚިޔާލުފާޅުކުރި ގިނަ މީހުން ވަނީ، ކޮންޓެންޓް ހެދުމަށް އެހެން އެއްވެސް ތަނެއް ނުފެނުނީތޯ ސުވާލު އުފައްދައި، މިއީ މީހުންގެ އިހުސާސްތަކާއި އަޤީދާއަށް އިޙްތިރާމްކުރުމެއް ނެތި ހަމައެކަނި މަޝްހޫރުކަން ހޯދުމަށް ކުރި ވަރަށް ދަށުދަރަޖައިގެ ކަމެއް ކަމަށް ބުނެފައެވެ.