ކުރީގެ ރައީސް އަބްދުﷲ ޔާމީން އަބްދުލްގައްޔޫމް މިއަދު އައްޑޫ ސިޓީއަށް ވަޑައިގެންފިއެވެ.
އެމަނިކުފާނުގެ މި ދަތުރުފުޅުގައި އައްޑޫ ސިޓީގައި ޕީއެންއެފްގެ ޓައުން ހޯލް ޖަލްސާތައް ބޭއްވުމަށް ވެސް ވަނީ ނިންމައިފައެވެ. ހަމައެއާއެކު އައްޑޫ ސިޓީގެ ބައެއް އަވަށްތަކުގައި އެ ޕާޓީގެ ބައެއް އޮފީސް ހުޅުވަން ވެސް ވަނީ ހަމަޖެހިފައެވެ.
https://x.com/PNFront/status/2106036524089270306
އެމަނިކުފާނުގެ އަރިހުގައި ޕީއެންއެފްގެ އިސްވެރީން ވަނީ ވަޑައިގެންފައެވެ.
ހަމައެއާއެކު އައްޑުއިން އެމަނިކުފާނަށް މިއަދު ވަނީ ހޫނު މަރުހަބާއެއް ކިޔައިފައެވެ.
މީގެ ކުރިން އެމަނިކުފާނު ވަނީ ފުވައްމުލަކަށް ވެސް ވަޑައިގެން، އެ ސިޓީގައި ވެސް ޓައުން ހޯލް ޖަލްސާ ބާއްވައި އެ ރަށުގެ ރައްޔިތުންނާ ބައްދަލުކުރައްވައިފައެވެ.
ފާހަގަކުރެވޭ ގޮތުގައި ޔާމީން ވަނީ 2028ގެ ރިޔާސީ އިންތިޚާބުގައި އެމަނިކުފާނު ވާދަކުރައްވާނެ ކަމަށް ވިދާޅުވެ، ކެންޑިޑެސީ އިއުލާނުކުރައްވައިފައެވެ. އެމަނިކުފާނަށް 2023ގެ ރިޔާސީ އިންތިޚާބުގައި ވާދަނުކުރެއްވުނީ ޖަލު ހުކުމެއް ތަންފީޒުކުރައްވަމުން ގެންދެވުމުންނެވެ.