މާލޭގެ ބުރުޒުމަގުގައި ހުންނަ ގެއެއްގައި ޚަބަރު ހުސްވެފައި މީހަކު އޮތް ކަމަށް މައުލޫމާތު ލިބިގެން ފުލުހުން ހަރަކާތްތެރިވާން ފަށައިފިއެވެ.
ފުލުހުން ބުނީ، ބުރުޒުމަގުގައި ހުންނަ ގެއެއްގެ ދެވަނަ ފަންގިފިލާގައި މީހަކު ޚަބަރު ހުސްވެފައި އޮތްކަމުގެ ރިޕޯޓު ލިބިފައިވާ ކަމަށެވެ. އެހެންވެ، އެ ސަރަހައްދުގައި ފުލުހުން ދަނީ ހަރަކާތްތެރިވަމުން އަންނަ ކަމަށް އެ މުއައްސަސާއިން ބުންޏެވެ.
މަންޒަރު ދުށް މީހުން ވަނީ، އެ ގޭގެ ކުރިމަތީގައި އެމްބިއުލާންސެއް ވެސް އޮތް ކަމަށް ބުނެފައެވެ.
އެ މީހާގެ ހާލަތާ ގުޅޭ އިތުރު މައުލޫމާތެއް ފުލުހުން ހާމަކޮށްފައި ނުވާއިރު، އައިޖީއެމްއެޗުން ވެސް މިހާތަނަށް މީހާއާ ގުޅޭ މައުލޫމާތެއް ލިބިފައިނުވެއެވެ.