އައްމަޓީގެ އިންޒާރު ދައުލަތުގެ ވަކީލުންނަށް: "ޝަރީއަތުގައި ކަންކަން އޮޅުވައެއް ނުލެވޭނެ"

އައްމަޓީ ހައިކޯޓުގެ ޝަރީއަތުގައި ވާހަކަ ދައްކަނީ --

ޝަރީއަތުގައި ކަންކަން އޮޅުވައި ނުލެވޭނެ ކަމަށާއި، މަކަރާއި ހީލަތް ހަދައިގެން ޝަރީއަތުގައި ވާހަކަ ނުދެއްކޭނެ ކަމަށް ބުނެ، ސީލައިފްގެ ބޮޑު ޚިޔާނާތުގެ މައްސަލައިން ސަލާމަތްވި، އަހްމަދު މޫސާ (އައްމަޓީ) ދައުލަތުގެ ވަކީލުންނަށް އިންޒާރު ދީފިއެވެ.

ޝަރީއަތުގައި މަކަރާއި ހީލަތްހަދައި، އޮޅުވާލައިގެންނާއި ދޮގު ހަދައިގެން ވާހަކަ ދެއްކުމުގެ ބޭނުމެއް ނޯންނާނެ ކަމަށް ބުނެ، ދައުލަތުގެ ވަކީލުންނަށް އައްމަޓީ އިންޒާރު ދިނީ، އޭނާގެ މައްޗަށް ކުށް ސާބިތުނުވާ ކަމަށް ކްރިމިނަލް ކޯޓުން ކަނޑައެޅި މައްސަލައިގެ އިސްތިއުނާފުގައި މިއަދު ހައިކޯޓުގެ ޝަރީއަތުގެ މަޖިލީހުގައެވެ.

ގިނަ އިރުތަކަކަށް ދެމިގެން ދިޔަ މި މައްސަލައިގެ ޝަރީއަތުގައި، ރުޅި އައިސްހުރެ ވާހަކަ ދައްކަމުން އައްމަޓީ ވަނީ ޝަރިއަތުގައި ދައުލަތުގެ ވަކީލުން ދޮގު ހަދާ ކަމަށް ތުހުމަތުކޮށްފައެވެ.

https://sun.mv/222206

"ދައުލަތުގެ ފަރާތުން ކޯޓުގައި ވާހަކަ ދައްކަން ޖެހޭނީ ކަން ހިނގާފައިވާ ގޮތަށް، ލިޔެކިޔުންތަކުގައި ހުރި ގޮތަށް. ކަނޑައެޅިގެން ދައުލަތުގެ ފަރާތުން މިހާރު ބުނަމުން އެގެންދަނީ ވުޖޫދުގައި ނެތް ފްލެޓްތަކެކޭ ނަންބަރުތަކެއް ޖަހައިގެން އަޅުގަނޑުމެން ބުކިން ހަދައިގެން ވިއްކި ކަމަށް. އެއީ އެއްގޮތަކަށް ވެސް ހިނގާފައިވާ ކަންކަމެއް ނޫން. އެހެންވީމާ މިތާގައި ދައްކަން ޖެހޭނީ،" އައްމަޓީ ބުންޏެވެ.

"މިއީ ޝަރިއަތުގެ މާލަން، މި މާލަމުގައި ވާހަކަ ދައްކަން ޖެހޭނީ ކަން ހިނގާފައި ހުރި ގޮތަށް. ލިޔެކިޔުންތަކުގައި ހުރި ގޮތަށް. މިތާނގަ މަކަރާއި ހީލަތް ހަދާފަ އޮޅުވާލައިގެން ދޮގު ހަދައިގެން ވާހަކަ ދެއްކުމުގެ ބޭނުމެއް ނޯންނާނެ!" އޭނާ އިތުރަށް ބުންޏެވެ.

ސީލައިފް ގްލޯބަލްއިން ގިނަ ބައެއްގެ އަތުން ފައިސާ ނެގުމަށްފަހު ފްލެޓް ނުދިން މައްސަލާގައި އެ ކުންފުނީގެ މެނޭޖިން ޑިރެކްޓަރު އަހުމަދު މޫސާ (އައްމަޓީ) ގެ މައްޗަށް ކުރި ޚިޔާނާތުގެ އެއްވެސް ދައުވާއެއް އޭނާގެ މައްޗަށް ސާބިތުނުވާ ކަމަށް ކްރިމިނަލް ކޯޓުން ކުރި ހުކުމުގެ އިސްތިއުނާފު ފެށުނީ މިއަދުއެވެ.

މި މައްސަލައިގެ އިސްތިއުނާފު ފެށުނުއިރު، އައްމަޓީގެ ޕާސްޕޯޓް އޮތީ ހައިކޯޓުން ހިފަހައްޓާފައެވެ.

ހައިކޯޓުގައި މި މައްސަލަ ބަލަނީ، އިސްފަނޑިޔާރު އަބްދުﷲ ޖަމީލް މޫސާ، މުހައްމަދު ޝަނީޒު އަބްދުﷲ އަދި އަބްދުލްމާނިއު ހުސެއިންއެވެ. މައްސަލައިގެ ރިޔާސަތު ފަނޑިޔާރަކީ ޝަނީޒްއެވެ. މިއަދުގެ ޝަރިއަތުގައި ބެންޗުން ވަނީ ގިނަ ސުވާލުތަކެއް ދައުލަތާކޮށްފައެވެ.

ސީލައިފް ގްލޯބަލް ކުންފުނީގެ ފަރާތުން ފްލެޓް ވިއްކުމުގެ ނަމުގައި ގިނަ ބައެއްގެ އަތުން ފައިސާ ނެގުމަށްފަހު ފްލެޓް ހަވާލުނުކުރި މައްސަލައިގައި، އެ ކުންފުނީގެ މެނޭޖިން ޑިރެކްޓަރު އަހުމަދު މޫސާ (އައްމަޓީ) ގެ މައްޗަށް ދައުލަތުން އުފުލި ދައުވާތައް ކްރިމިނަލް ކޯޓުން ސާބިތުނުވުމާ ގުޅިގެން ހައިކޯޓުގައި ވަނީ އެ މައްސަލައިގެ އިސްތިއުނާފު ފަށާފައެވެ. މި މައްސަލައިގެ ޝަރީއަތުގެ މަޖިލީހުގައި ވާހަކަދައްކަމުން އައްމަޓީ ވަނީ ދައުލަތުގެ ވަކީލުންނަށް ވަރަށް ބޮޑަށް ފާޑުކިޔައި، ޝަރީއަތަށް ކަންކަން އޮޅުވައިނުލެވޭނެ ކަމަށް ބުނެ އިންޒާރުދީފައެވެ. އޭނާ ބުނި ގޮތުގައި ދައުލަތުން ވާހަކަދައްކަން ޖެހޭނީ ލިޔެކިޔުންތަކުގައި ކަން ހިނގާފައިވާ ގޮތަށެވެ. އަދި ވުޖޫދުގައި ނެތް ފްލެޓްތަކެއް ވިއްކި ކަމަށް ބުނެ ދައުލަތުން ދައްކަނީ ކަނޑައެޅިގެން ދޮގު ވާހަކަތަކެއް ކަމަށް އޭނާ ތުހުމަތުކުރިއެވެ.

  • ސީލައިފްގެ ޚިޔާނާތުގެ މައްސަލައިގައި އައްމަޓީގެ މައްޗަށް ކުށް ސާބިތުނުވާކަމަށް ކްރިމިނަލް ކޯޓުން ކުރި ހުކުމް ދައުލަތުން ވަނީ ހައިކޯޓުގައި އިސްތިއުނާފުކޮށްފައެވެ.
  • ހައިކޯޓުގެ ޝަރީއަތުގައި އައްމަޓީ ވަނީ ދައުލަތުގެ ވަކީލުން މަކަރާއި ހީލަތުން ދޮގު މައުލޫމާތު ދޭކަމަށް ތުހުމަތުކޮށްފައެވެ.
  • ވުޖޫދުގައި ނެތް ފްލެޓްތަކެއް ނަންބަރު ޖަހައިގެން ވިއްކި ކަމަށް ދައުލަތުން ބުނާ ބުނުމަށް އައްމަޓީ ވަނީ އިންކާރުކޮށްފައެވެ.
  • މި މައްސަލައިގެ އިސްތިއުނާފު ފެށުނުއިރު އައްމަޓީގެ ޕާސްޕޯޓް އޮތީ ހައިކޯޓުގެ އަމުރެއްގެ ދަށުން ހިފަހައްޓާފައެވެ.
  • މައްސަލަ ބައްލަވަނީ ފަނޑިޔާރު މުހައްމަދު ޝަނީޒު އަބްދުﷲ ގެ ރިޔާސަތުގައި ތިން ފަނޑިޔާރުންގެ ބެންޗަކުންނެވެ.
ގުޅޭ ޓެގު
comment ކޮމެންޓް
ގުޅޭ ޚަބަރު
ގުޅޭ ޓެގު