މަގުމަތީގައި އުޅަނދު ދުއްވާއިރު ފަރުވާކުޑަކުރުމާއި ނުރައްކާތެރިކޮށް ދުއްވުމަކީ، ހިނދުކޮޅެއްގެ ތެރޭގައި ތިމާއާއި އަނެކާގެ ދިރިއުޅުން އަބަދުގެ އަބަދަށް ބަދަލުކޮށްލާނެ ފަދަ ހިތާމަވެރި ކަމެއްކަމަށް ވިދާޅުވެ، ހުރިހާ ފަރާތްތަކުން ވެސް ޓްރެފިކް ގަވާއިދުތަކަށް ފުރިހަމައަށް އަމަލުކުރުމަށް ރާއްޖޭގެ ނައިބު ރައީސް ޙުސައިން މުޙައްމަދު ލަތީފް ވަނީ އިލްތިމާސްކުރައްވާފައެވެ. ސޯޝަލް މީޑިއާގައި ކުރެއްވި ޕޯސްޓެއްގައި އެމަނިކުފާނު ފާހަގަކުރެއްވި ގޮތުގައި، ރައްކާތެރިކަމާއެކު މަގުމަތި ބޭނުންކުރުމަކީ ކޮންމެ ފަރުދެއްގެ ވެސް އަމިއްލަ ޒިންމާއެކެވެ. މިއީ އަނެކާގެ ފުރާނައާއި މުދާ ރައްކާތެރިކުރުމަށްޓަކައި އެޅޭނެ އެންމެ މުހިންމު އެއް ފިޔަވަޅެވެ.
މިފަދައިން ނައިބު ރައީސް ގޮވާލައްވާފައިވާއިރު، މާލެ ސަރަހައްދުގެ ސިނަމާލެ ބުރިޖާއި ހައިވޭގެ އިތުރުން ރާއްޖޭގެ ދެކުނުން އައްޑޫ ސިޓީ އަދި ފުވައްމުލަކުގައި ވެސް ނުރައްކާތެރި އެކްސިޑެންޓުތައް ހިނގާ މިންވަރު ދުވަހެއް ދުވަހަކަށް ވަނީ ކަންބޮޑުވާ ދަރަޖައަކަށް އިތުރުވެފައެވެ. ފުލުހުންގެ ތަފާސްހިސާބުތަކުން ދައްކާ ގޮތުގައި، މިދިޔަ އަހަރުގެ އޭޕްރިލް މަހާ އަޅާބަލާއިރު މިއަހަރުގެ އޭޕްރިލް މަހު ރިޕޯޓުކޮށްފައިވާ އެކްސިޑެންޓުތަކުގެ އަދަދު ވަނީ 12 އިންސައްތަ އިތުރުވެފައެވެ. މީގެ އިތުރުން، ނިމުނު އަހަރު ޓްރެފިކް އެކްސިޑެންޓުގެ ޖުމްލަ 3076 މައްސަލައެއް ފުލުހުންނަށް ހުށަހެޅިފައިވާއިރު، މިއަހަރުގެ މިހާތަނަށް 1064 މައްސަލައެއް ވަނީ ހުށަހަޅާފައެވެ. މިކަމުން ދައްކުވައިދެނީ މަގުމަތީގެ ސަލާމަތަށް އިތުރު ސަމާލުކަމެއް ދޭންޖެހިފައިވާ ކަމެވެ.
- ފަރުވާކުޑަކޮށް އުޅަނދު ނުދުއްވުމަށާއި، މަގުމަތީގެ ގަވާއިދުތަކަށް ހުރުމަތްތެރިކޮށް ހިތުމަށް ނައިބު ރައީސް އިލްތިމާސްކުރެއްވުން.
- ރައްކާތެރިކަމާއެކު މަގުތައް ބޭނުންކުރުމަކީ ކޮންމެ މީހެއްގެ ވެސް ފަރުދީ ޒިންމާއެއްކަން ފާހަގަކުރެއްވުން.
- މާލެ، ހުޅުމާލެ ހައިވޭ، އައްޑޫ ސިޓީ އަދި ފުވައްމުލަކުގައި ނުރައްކާތެރި އެކްސިޑެންޓުތައް ހިނގާ މިންވަރު އިންތިހާއަށް އިތުރުވުން.
- މިދިޔަ އަހަރާ އަޅާބަލާއިރު މިއަހަރުގެ އޭޕްރިލް މަހު އެކްސިޑެންޓުތައް 12 އިންސައްތަ އިތުރުވެފައިވުން.
- މިއަހަރުގެ އޭޕްރިލް މަހު އެކަނިވެސް ފުލުހުންނަށް 874 މައްސަލަ ރިޕޯޓުކޮށްފައިވާއިރު، އޭގެ ތެރޭގައި އެންމެ ގިނައީ އެކްސިޑެންޓުތަކުގެ މައްސަލަކަން ކަށަވަރުވުން.
ފަރުވާކުޑަކަމާއި ނުރައްކާތެރިކޮށް ދުއްވުމަކީ ހިނދުކޮޅެއްގެ ތެރޭގައި ތިމާއާއި އަނެކާގެ ދިރިއުޅުން އަބަދުގެ އަބަދަށް ބަދަލުކޮށްލަފާނެ ކަމެއް ކަމަށާއި، މަގުމަތި ބޭނުންކުރާ އެންމެންގެ ސަލާމަތަށްޓަކައި ޒިންމާދާރުކަމާއެކު މަގުމަތީގެ ގަވާއިދުތަކަށް ފުރިހަމައަށް ބޯލަނބައި، ރައްކާތެރިކަން އިސްކުރަން ނައިބު ރައީސް ހުސައިން މުހައްމަދު ލަތީފް އިލްތިމާސްކުރައްވައިފިއެވެ.
ސޯޝަލް މީޑިއާގައި ކުރެއްވި ޕޯސްޓެއްގައި ނައިބު ރައީސް ވިދާޅުވީ، ރައްކާތެރިކަމާއެކު މަގުމަތި ބޭނުންކުރުމަކީ ކޮންމެ ރައްޔިތެއްގެ ވެސް ފަރުދީ ޒިންމާއެއް ކަމަށެވެ. އަދި އެއީ އަނެކާގެ ސަލާމަތާއި ރައްކާތެރިކަމަށްޓައި ތިމާގެ ފަރާތުން ކޮށްދެވޭނެ އެންމެ މުހިންމެ އެއް ކަންތައް ކަމަށް އެމަނިކުފާނު ވިދާޅުވިއެވެ.
ފަރުވާކުޑަކަމާއި ނުރައްކާތެރިކޮށް ދުއްވުމަކީ، ހިނދުކޮޅެއްގެ ތެރޭގައި ތިމާއާއި އަނެކާގެ ދިރިއުޅުން އަބަދުގެ އަބަދަށް ބަދަލުކޮށްލަފާނެ ކަމެއް ކަމަށް ވިދާޅުވެ އެމަނިކުފާނު ވަނީ ނަސޭހަތްތެރިވެ ވަޑައިގެންފައެވެ. އެހެންކަމުން، މަގުމަތި ބޭނުންކުރާ އެންމެންގެ ސަލާމަތަށްޓަކައި ޒިންމާދާރުކަމާއެކު، މަގުމަތީގެ ގަވާއިދުތަކަށް ފުރިހަމައަށް ބޯލަނބައި، ރައްކާތެރިކަން އިސްކުރަން ހުރިހާ ރައްޔިތުންނަށް އެމަނިކުފާނު ވަނީ އިލްތިމާސްކުރައްވައިފައެވެ.
އެމަނިކުފާނު އެފަދައިން ވިދާޅުވި އިރު މާލެ ސަރަހައްދުގައި އެކްސިޑެންޓު ހިނގާ މިންވަރު ދުވަހެއް ދުވަހަކަށް ދަނީ އިތުރުވަމުންނެވެ. މާލެ ސަރަހައްދުގައި އެންމެ ގިނަ އެކްސިޑެންޓުތައް ހިނގާ ތަންތަނުގެ ތެރޭގައި ސިނަމާލެ ބުރިޖާއި ހައިވޭ ހިމެނެއެވެ. އަދި ދެކުނުން އަައްޑޫ ސިޓީއާއި ފުވައްމުލަކުގައި ވެސް ނުރައްކާތެރި, ގިނަ އަދަދެއްގެ އެކްސިޑެންޓުތައް ހިނގައެވެ.
ފުލުހުންގެ ތަފާސްހިސާބުތަކަށް ބާލައިރު މިދިޔަ އަހަރުގެ އޭޕްރިލް މަހަށްވުރެ މި އަހަރުގެ އޭޕްރިލް މަހު ރިޕޯޓުކޮށްފައިވާ އެކްސިޑެންޓުތައް 12 އިންސައްތައަށް ވަނީ އިތުރުވެފައެވެ. އޭޕްރިލް މަހު އެ އިދާރާއަށް 874 މައްސަލަ ރިޕޯޓުކޮށްފައިވާއިރު އެންމެ ގިނައީ ވެސް އެކްސިޑެންޓުތަކުގެ މައްސަލަތަކެވެ.
ނިމުނު އަހަރު ޓްރެފިކް އެކްސިޑެންޓުގެ ޖުމްލަ 3،076 މައްސަލައެއް ފުލުހަށް ހުށަހެޅިއިރު، މި އަހަރުގެ މިހާތަނަށް 1،064 މައްސަލައެއް ހުށަހަޅާފައިވާ ކަމަށް ތަފާސްހިސާބުތަކުން ވަނީ ދައްކާފައެވެ.
