އުރީދޫން ކުރިއަށް ގެންދާ އަހަރީ ދުވަހުގެ ކެމްޕެއިންގައި ދޫކުރާ 16 ވަނަ އުމްރާގެ ނަސީބުވެރިޔާ ހޮވައިފިއެވެ.
މިގޮތުން، އެ އުމްރާ ދަތުރު ލިބިފައި ވަނީ، ށ. ގޮއިދޫއަށް ނިސްބަތްވާ އައިމިނަތު މަލްޝާއަށެވެ. އެ އުމްރާ ދަތުރު، އުރީދޫން ވަނީ، މަލްޝާއާ ހަވާލުކޮށްފައެވެ.
މި ހާއްސަ ޕްރޮމޯޝަންގެ ދަށުން
- ނަސީބުވެރި އެއް ކަސްޓަމަރަކަށް ކޮންމެ 20 ދުވަހަކުން އުމްރާ ދަތުރެއް ލިބޭނެ
- ނަސީބުވެރި 19 ކަސްޓަމަރަކަށް ޖުމުލަ 19 އުމްރާ ދަތުރެއް ދޭން ވަނީ ހަމަޖެހިފައި
- މި ކެމްޕެއިންގެ 20 ވަނަ އިނާމު ނުވަތަ ގްރޭންޑް ޕްރައިޒްއަކީ ދެ މީހަކަށް ހައްޖު ދަތުރެއް
މި ޕްރޮމޯޝަންގައި ބައިވެރިވާނީ ކިހިނެއް؟
- އުރީދޫ ކަސްޓާމަރެއް ނަމަ 30 ދުވަހުގެ ތެރޭގައި 250 ރުފިޔާއަށް ވުރެ މަތިން ބިލު ދައްކާ، ރީޗާޖުކޮށް ނުވަތަ އެޑް އޮން އެއް ބޭނުންކުރުން
- އުރީދޫއާ އަލަށް ގުޅޭ ކަސްޓަމަރުން ޚިދުމަތް ބޭނުންކުރުމަށް 400 ރުފިޔާއިން މަތިން ބިލު ދައްކާ، ރީޗާޖުކޮށް ނުވަތަ އެޑް އޮންއެއް ބޭނުންކުރުން
- ޕޯސްޓްޕެއިޑް، ޕްރީޕެއިޑް އަދި ސުޕަނެޓް ކަސްޓަމަރުންނަށް މި ލަކީޑްރޯއަށް ޝަރުތު ހަމަވާނެ
ވިހި އަހަރުގެ ކުޑަ މުއްދަތުގައި އުރީދޫން ވަނީ މުވާސަލާތީ އަދި ޓެކްނޮލޮޖީގެ ގޮތުން ފާހަގަކޮށްލެވޭ ގިނަ ލަނޑުދަނޑިތައް ހާސިލުކޮށްފައެވެ. މި ކެމްޕޭނަކީ އުރީދޫގެ ކާމިޔާބީގެ ފަހަތުގައި ތިބި ލޮބުވެތި ކަސްޓަމަރުންނާއި، ޚިދުމަތް ދިނުމުގައި ކެނޑިނެޅު މަސައްކަތް ކުރާ މުވައްޒަފުންގެ އަގު ވަޒަންކުރަން ހިންގާ ކެމްޕޭނެއް ކަމަށް އެ ކުންފުނިން ބުނެއެވެ.