މާލޭން ފެނުނު ގުރައަކާއި އައިފޯން 17 ޕްރޯ މެކްސްއެއްގެ ވެރިފަރާތް ހޯދަން ފުލުހުން އިއުލާންކޮށްފިއެވެ.
ގަލޮޅު ފުލުހުން ކުރި އިއުލާނެއްގައި ވަނީ، އިއްޔެ ސިނަމާލެ 2 ކައިރިން ފެހިކުލައިގެ ގުރައެއް ފެނިފައިވާ ކަމަށެވެ. އެ ދޫނީގެ ވެރިފަރާތުން، 9631696އަށް ގުޅައި މައުލޫމާތު ހިއްސާކުރުމަށް ފުލުހުން ވަނީ އެދިފައެވެ. އެގޮތުން ގުޅާއިރު މައްސަލައިގެ އިންސިޑެންޓް ނަންބަރު ކިޔައިދިނުމަށާއި އެއީ '672452' ކަމަށް ފުލުހުން ބުންޏެވެ.
ގަލޮޅުން ހޮވައި، ވެރިއަކު ނުފެނިފައިވާ އިތުރު ތަކެތީގެ ތެރޭގައި، މިދިޔަ ހޮނިހިރު ދުވަހު ޖަމާލުއްދީން ހިނގުމުގައި ޕާކުކޮށްފައި އޮތް ޕިކަޕެއްގެ ތެރެއިން ފެނިފައިވާ ނެސްކެފޭ ބްރޭންޑުގެ 500 ގުރާމުގެ ކޮފީ ޕެކެޓުތަކެއް ހިމެނެއެވެ. އަދި އިއްޔެ ޓެކްސީއަކުން ހޮވައިގެން ގެެނެސްފައިވާ އައިފޯން 17 ޕްރޯ މެކްސްއެއް ވެސް ހިމެނޭއިރު، އެ މައްސަލައިގެ އިންސިޑެންޓް ނަންބަރަކީ 672515 ކަމަށް ފުލުހުން ބުންޏެވެ.
ފުލުހުން މަގުމަތީގައި: ޓެކްސީއަކުން ހޮވައިފައިވާ އައިފޯނެއްގެ ވެރިފަރާތެއް ފުލުހުން ދަނީ ހޯދަމުން -- ސަން ފޮޓޯ/ ފަޔާޒު މޫސާ
ފުލުހުން ވަނީ އެ ތަކެއްޗާ ގުޅޭ މައުލޫމާތު ހިއްސާކޮށް، ކާކުކަން އެނގޭނެ ލިޔުމަކާއެކު ގަލޮޅު ޕޮލިސް ސްޓޭޝަނަށް ހާޒިރުވެ ތަކެއްޗާ ހަވާލުވުމަށް އެދިފައެވެ.
މީގެ އިތުރުން، މިދިޔަ ހޯމަ ދުވަހު ޓެކްސީއަކުން ހޮވައިގެން ހުލުމާލެ ދެވަނަ ފިޔަވަހީގެ ފުލުހަށް ގެންގޮސްފައިވާ ރެޑްމީ ބްރޭންޑުގެ މޯބައިލް ފޯނެއްގެ ވެރިފަރާތް ވެސް ހޯދަމުން އަންނަ ކަމަށް ފުލުހުން ބުންޏެވެ. އެ މައްސަލައިގެ އިންސިޑެންޓް ނަންބަރަކީ 672272 އެވެ.
އެ ފޯނުގެ ވެރިފަރާތުން 9393351 އަށް ގުޅައި، އިންސިޑެންޓް ނަންބަރާއެކު މައުލޫމާތު ހިއްސާކޮށް، ކާކުކަން އެނގޭނެ ލިޔުމަކާއެކު ހުޅުމާލެ ދެވަނަ ފިޔަވަހީގެ ޕޮލިސް ސްޓޭޝަނަށް ހާޒިރުވުމަށް ފުލުހުން ވަނީ އެދިފައެވެ.