ފޮނި އެއްޗެއް ތައްޔާރުކުރާއިރު އާންމުކޮށް ބޭނުންވާ ތަކެތި ތައްޔާރުކޮށް، އަވަނުން ފިހެ، އެފަދަ ކަންކަމަށް ގިނައިރު ހޭދަކުރަން ޖެހެއެވެ. ނަމަވެސް މިއީ އާންމުކޮށް ގޭގައި ލިބެން ހުންނަ ތަކެތި ބޭނުންކޮށްގެން، ފަސޭހައިން ތައްޔާރުކުރެވޭނެ ފޮނި އެއްޗެކެވެ.
ބޭނުންވާ ތަކެތި
- 200 ގުރާމް ޗޮކްލެޓް ހޭޒްލްނަޓް ސްޕްރެޑް (ނަޓެއްލާ ފަދަ)
- 50 މިލިލީޓަރު ފުލް ފެޓް މިލްކް
- 600 މިލިލީޓަރު ޑަބަލް ކްރީމް
- 1 މޭޒުމަތީ ސަމުސާ ޒުވާރި ފުށް
- 3 މޭޒުމަތީ ސަމުސާ އައިސިން ޝުގާ
- 100 ގުރާމް ހޭޒްލްނަޓް (ކޮށާފައި)
ތައްޔާރުކުރާނެ ގޮތް
މައިކްރޯވޭވަކަށް ލާން ބޭނުންކުރެވޭ ބޯތަށްޓަކަށް ހޭޒްލްނަޓް ސްޕްރެޑް އާއި ކިރު އަޅައި ހޫނުކުރާށެވެ. ދެބައި ރަނގަޅަށް އެކުވެ، ދިޔާ ވަންދެން ނަގާނީ ގާތްގަނޑަކަށް 20 ސިކުންތެވެ.
އެއަށްފަހު، ބޮޑު ބާތަށްޓަކަށް ޒުވާރި ފުށާއި އައިސިން ޝުގާއާއި ކްރީމް އަޅައި، ވިސްކް ބޭނުންކޮށްގެން ވިޕް ކުރަން ފަށާށެވެ. ރަނގަޅަށް އެއްވާން ފެށުމުން، މައިކްރޯވޭވްގައި ދިޔާ ކުރި މިކްސް އޭގެ ތެރެއަށް އަޅާލާށެވެ. ވިޕް ކުރާނީ ވިސްކް ނެގުމުން ވެސް، މިކްސް އެއްކޮށް ތިރިނުވެ، 'ޕީކް'ތައް ހުންނަވަރު ވަންދެނެވެ.
ދެން އެ މިކްސްގެ ތެރެއަށް ހޭޒްލްނަޓް އަޅައި އެއްކޮށްލުމުން، މޫސް ތައްޔާރުކުރެވުނީއެވެ.