އަންހެނުންގެ ދުވަހު ގަވިން ފިހާރައިން ވިޔަފާރިކުރާ ކޮންމެ 50ވަނަ އަންހެން ކަސްޓަމަރަކަށް ސަޕްރައިޒް ގިފްޓެއް ދޭން ނިންމައިފިއެވެ.
މި އިނާމު ގަވިންގެ ދެ ފިހާރައިން ވިޔަފާރިކުރާ ކޮންމެ 50ވަނަ ކަސްޓަމަރަށް ލިބޭނެއެވެ. އެ އިނާމުގައި ހިމެނޭނީ އަންހެނުންނަށް ޚާއްސަ އެއްޗެކެވެ.
ގަވިންގެ ފިހާރަތައް ރޯދަމަހު ހުޅުވާފައި ހުންނާނީ ހެނދުނު 10:00 އިން 4:30 އަށެވެ. އަދި، ރޭގަނޑު 8:30 އިން 10:30ގެ ނިޔަލަށެވެ.
މީގެ ހަތް އަހަރު ކުރީން ހަމައެކަނި ވަޑާންކުރުމުގެ މަސައްކަތުން ފެށި ގަވިންއަކީ މިހާރު ރާއްޖޭގައި އިންޓީރިއާ ޑީޒައިނިން ދާއިރާއިން އެންމެ ފާހަގަކޮށްލެވޭ އެއް ބްރޭންޑެވެ.
ގަވިން ޝޯރޫމް މެދުވެރިކޮށް ބަދިގޭ ސާމާނާއި ނިދާ ކޮޓަރިއަށް ބޭނުންވާ އެނދާއި ލިވިންރޫމަށް ބޭނުންވާ ސޯފާގެ އިތުރުން އެހެން ހުރިހާ ފަރުނީޗަރެއް ވެސް އެއްތަނަކުން ކަސްޓަމަރުންނަށް ލިބޭނެއެވެ.
މީގެ އިތުރުން، ވަޑާމުގެ މަސައްކަތް ކުރާ ވިޔަފާރިތަކަށް ބޭނުންވާ ހުޅާއި އިސްކުރުފަދަ ހުރިހާ އެއްޗެއް ވެސް ގަވިންއިން ލިބެން ހުންނާނެއެވެ.
މި ރޯދަމަހާ ދިމާކޮށް، ގަވިންއިން ވަނީ 100،000 ރުފިޔާގެ އަގުހުރި ތަކެއްޗާއި ޚިދުމަތްތައް ލިބޭ އިނާމަކާ އެކު، ރޯދަ ޕްރޮމޯޝަނެއް ވެސް ފަށާފައެވެ.