ދިރާގުން ކުރިއަސް ގެންދިޔަ ވިން އަ ސްޕީޑް ބޯޓު ޕްރޮމޯޝަނުގެ ނަސީބުވެރި ފަރާތް މިރޭ ހޮވައިފިއެވެ.
އެކަމަށް ހާއްސަކޮށްގެން ދިރާގުން މިރޭ ހުޅުމާލެ ސެންޓްރަލްޕާކުގައި ބޭއްވި ސްޓޭޖް ޝޯގައި ސްޕީޑް ބޯޓު ލިބޭ ނަސީބުވެރި ފަރާތަށް ހޮވިފައި ވަނީ ގއ. ވިލިގިއްޔަށް ނިސްބަތްވާ ހަސަން ފަޔާޒެވެ.
ދިރާގުން ވަނީ ފަޔާޒަށް މަރުހަބާ ކިޔާފައެވެ.
މި ރަސްމިއްޔާތުގައި ވާހަކަ ދައްކަވަމުން ދިރާގުގެ ސީސީއޯ އަލީ ރިޔާޒް ވަނީ މިފަދަ ޕްރޮމޯޝަން ތަކަށް ކަސްޓަމަރުންގެ ފަރާތުން ލިބެމުންދާ ތަރުޙީބު ފެނި ހައިރާންވާ ކަމަށް ވިދާޅުވެފައެވެ. އަދި ދިރާގުގެ ބައިވެރިންގެ ގޮތުގައި ތިބި ހުރިހާ ބޭފުޅުންނަށް ޝުކުރު އަދާކޮށް އޭނާ ވަނީ ޑިޖިޓަލް ޚިދުމަތްތައް ފޯރުކޮށްދިނުމުގެ ތެރެއިން ދިރާގުން ދިރިއުޅުމަށް ހެޔޮ ބަދަލުތައް ގެނެސްދޭނެ ކަމަށް ވިޅުވެފައެވެ.
މި ޕްރޮމޯޝަންގެ ތެރެއިން އަލް ޝާލީ މެރިން މެގެލަން 32 މަރުކާގެ ސްޕީޑް ބޯޓާއެކު 175 ހޯސްޕަވަރުގެ ދެ އައުޓްބޯޑް ޔަމަހާ އިންޖީނު ވެސް ލިބޭނެއެވެ.
ދިރާގުން ވަނީ "ވިން އަ ޓެސްލާ"ގެ ނަމުގައި ވެސް ވަރަށް ކާމިޔަބު ޕްރޮމޯޝަނެއް ކުރިއަށް ގެންގޮސްފައެވެ.