ރޯދަ މަހަށް ގއ. ނިލަންދުއާއި ދާންދޫގެ މީހުން ދިރިއުޅޭ ގެތަކަށް ލިއޯ ޓްރޭޑިން ޗެއާމަން ހަދިޔާ ކުރާ 1070 އަށް ވުރެ ގިނަ ކާޑު ބަސްތާާއާ އެކު މާލެއިން ބަރުކޮށްގެން ދިޔަ ލިއޯ ވިންގް ދޯނި މިއަދު ފަރަށް އަރައިފިއެވެ.
ކާޑު ބަސްތާތަކާ އެކު މާލެއިން ބަރުކޮށްގެން ދިޔަ ލިއޯ ވިންގް ދޯނި އަރާފައިވަނީ އެކެފަރު ފަރަށެވެ.
ދޯނީގައި ހުރި ހުރިހާ ކާޑެއް މޫދަށް ގޮސްފައިވާ ކަމަށް ގއ. ނިލަންދޫ ކައުންސީލްގެ ރައީސް ނާސިހް އިބްރާހިމް ވަނީ މީޑިއާގައި ކުރި ޕޯސްޓެއްގައި ވިދާޅުވެފައެވެ.
ފަރަށް އަރައިފައިވާ ދޯނި -- ފޮޓޯ/ ނިލަންދޫ ކައުންސިލް
"ސަން"އަށް މައުލޫމާތު ދެމުން ނާސިހް ވިދާޅުވީ، މޫދަށް ގޮސްފައިވަނީ 50 ކިލޯގެ ބަސްތާތަކެއް ކަމަށާއި އޭގެ ތެރޭގައި ހަނޑޫ، ހަކުރު އަދި ފުއް ހިމެނޭ ކަމަށެވެ.
އޭނާ ވިދާޅުވީ, އެއީ މީހުން ދިރުއުޅޭ ކޮންމެ ގެއަކަށް ތިން ވައްތަރުގެ ތިން ބަސްތާ ކަމަށެވެ.
މުދާތައް ގެއްލިދިޔުމުގެ އިތުރުން ދޯނި ފަޅައިގެން ގޮސްފައިވާ ކަމަށާއި ލިއޯ ޓްރޭޑިންގެ ޓީމަކާ އެކު މިހާރު އެ ދޯނި ފުންކުރުމުގެ މަސައްކަތް ކުރަމުން އަންނަ ކަމަށް އޭނާ ވިދާޅުވިއެވެ.