ރާއްޖޭގައި ހުންނަ ބަންގްލަދޭޝްގެ ހައި ކޮމިޝަނުން އިއްޔެ މާލޭ ތެލަސީމިއާ ސެންޓަރުގައި ލޭ ހަދިޔާ ކުރުމުގެ ކޭމްޕެއް ބާއްވައިފިއެވެ.
މި ހަރަކާތަކީ ބަންގްލަދޭޝްގައި ގައުމު ބިނާކުރުމުގެ ހަރަކާތްތަކުގައި ޒުވާނުންގެ ބައިވެރިވުން އިތުރުކުރުމަށް ކުރިއަށްގެންދާ ފެސްޓިވަލް އޮފް ޔޫތު 2025އާ ގުޅުވައި، ހައި ކޮމިޝަނުން ބޭއްވި ހަރަކާތެކެވެ.
އެ ހަރަކާތުގައި ޖުމްލަ 50 ބްލަޑް ބޭގްގެ ލޭ ހަދިޔާކޮށްފައިވެއެވެ.
މާލޭ ތެލަސީމިއާ ސެންޓަރުގައި ލޭ ހަދިޔާ ކުރުމުގެ ކޭމްޕްގެ ތެރެއިން ----
ރާއްޖޭގައި މަސައްކަތްކުރާ ބަންގްލަދޭޝްގެ ރައްޔިތުން އެ ހަރަކާތުގައި ބައިވެރިވެ، ލޭ ހަދިޔާކޮށްފައިވެއެވެ. އަދި އެކްޓިން ހައިކޮމިޝަނަރު ސޮހެލް ޕަރުވޭޒް ވެސް ކޭމްޕަށް ޒިޔާރަތް ކުރައްވައި، ލޭ ހަދިޔާ ކުރެއްވިއެވެ.
ޕަރުވޭޒް ވިދާޅުވީ އެފަދަ ހަރަކާތްތަކުން ދެ ގައުމުގެ ރައްޔިތުންގެ ގުޅުން ރަނގަޅުވާނެ ކަމަށެވެ.
މާލޭ ތެލަސީމިއާ ސެންޓަރުގައި ލޭ ހަދިޔާ ކުރުމުގެ ކޭމްޕްގެ ތެރެއިން ----
އެ ހަރަކާތުގައި ބައިވެރިވި މީހުންނަށް އޭނާ ހަނދާނީ ލިޔުން ވެސް ދެއްވިއެވެ.
މީގެ އިތުރުން އެފަދަ ހަރަކާތެއް ބާއްވަން ފުރުސަތު ދިނުމުން މޯލްޑިވިއަން ބްލަޑް ސާވިސަސްއަށް ޕަރުވޭޒް ޝުކުރު އަދާކުރެއްވިއެވެ.