މަކަރާއި ހީލަތުގެ މައްސަލައެއްގައި ފުވައްމުލަކު ސިޓީން މީހަކު ހޯދަން ފުލުހުން މިއަދު އިއުލާނުކޮށްފިއެވެ.
އޭނާގެ ފޮޓޯ އާންމުކޮށް ފުލުހުން ބުނީ، ފޮޓޯއިން ފެންނަ މީހާއަކީ މަކަރާއި ހީލަތުގެ މައްސަލައަކަށް ތުހުމަތުކުރެވިގެން ފުވައްމުލަކު ސިޓީ ޕޮލިހުން ކުރަމުންދާ ތަހުގީގަށް ހޯދަން ބޭނުންވެފައިވާ މީހެއް ކަމަށެވެ.
ނަމަވެސް، މިހާތަނަށް ފުލުހުން ކުރި މަސައްކަތުން އެއީ ކާކުކަން ދެނެގަނެވިފައިނުވާތީ އޭނާ ހޯދިފައި ނުވާކަމަށް ފުލުހުން ބުންޏެވެ.
ވީމާ ފޮޓޯއިން ފެންނަ މީހާއާ ބެހޭ އެއްވެސް މައުލޫމާތެއް ލިބިފައިވާނަމަ ފުވައްމުލަކު ޕޮލިސް ސްޓޭޝަންގެ ނަންބަރު 9792803އަށް ގުޅައި އެ މައުލޫމާތު ހިއްސާކޮށްދެއްވުމަށް ވަނީ އެދިފައެވެ.
މިފަދަ ކަންކަމުގައި ރައްޔިތުންގެ ފަރާތުން ފުލުހުންނަށް ލިބެމުންދާ އެއްބާރުލުން ފާހަގަކޮށް ފުލުހުން ވަނީ ޝުކުރު އަދާކޮށްފައެވެ.