ރާއްޖޭގެ ކަނޑުގެ ސަރަހައްދުން އަނެއްކާ ވެސް އާ މަހެއް ހޯދައިފިއެވެ.
މި މަސް ފެނިފައިވަނީ ރޮލެކްސްގެ ޕާޕެޓުއަލް ޕްލެނެޓް އިނީޝިއޭޓިވްގެ ދަށުން ލިބުނު ފަންޑާއެކު މިހާރު ރާއްޖޭގައި ދިރާސާވެރިންގެ ޓީމަކުން ކުރަމުން އަންނަ މަސައްކަތުގެ ތެރެއިންނެވެ. މިއީ އެ ޓީމުން ހޯދި އާ ދެވަނަ މަހެވެ.
ޕްލެކްޓްރޭންތިއަސް އާއިލާއަށް ނިސްބަތްވާ މި މަހަށް އެ ޓީމުން ދިން ނަމަކީ 'ޕްލެކްޓްރޭންތިއަސް ރަކި' އެވެެ. އެ ޓީމުން ބުނި ގޮތުގައި އެ ނަން އެ މަހަށް ދިނީ އެއީ މީހުން ފެނުމާއެކު އަވަހަށް ފިލާ މަހަކަށް ވުމުންނެވެ.
މިއީ ކަނޑުގެ 100 މީޓަރާއި 125 މީޓަރާ ދެމެދުގެ ފުންމިނުން ފަރުމަތީ ސަރަހައްދުން ފެންނަ މަހެކެވެ.
ޕްލެކްޓްރޭންތިއަސް އާއިލާއަށް ނިސްބަތްވާ ބައެއް މަސް މަހުގެ ތެރޭ، ޕްލެކްޓްރޭންތިއަސް އަހިއަހައިޓާ، ޕްލެކްޓްރޭންތިއަސް ކަމީ، ޕްލެކްޓްރޭންތިއަސް މަކިއުލިކައުޑާ ހިމެނެއެވެ.
މި އާއިލާއަށް ނިސްބަތްވާ މަހުގެ ދިރުންތަކަކީ އިންސާނުންނަށް އެއްވެސް ގެއްލުމެއް ދޭ މަހެއް ނޫނެވެ. އެހެންކަމުން މިއީ ކަނޑުގެ ދިރާސާތައް ކުރާ މީހުންގެ މެދުގައި މަގްބޫލު ދިރުމެކެވެ.
ދުނިޔޭގެ ދިރުންތައް ދިރާސާކުރާ، ދިރާސާވެރިން ކޮންމެ އަހަރަކު ވެސް އެތައް ހާސް އާ ސްޕީޝީޒްތައް ދެނެގަނެއެވެ.