ވިލިމާލޭން މޫދަށް އެރި އުޅެނިކޮށް، އޮޔާ ދިޔަ ދިވެއްސަކު މިއަދު ސަލާމަތްކޮށްފިއެވެ.
މީޑިއާތަކާ ހިއްސާކުރި މެސެޖެއްގައި ފުލުހުން ބުނީ، ވިލިމާލޭގައި މޫދަށް އެރި އުޅުނު މީހަކު އޮޔާ ދަމައިގަތް ކަމުގެ ރިޕޯޓެއް 15:55 ހާއިރު ލިބިފައިވާ ކަމަށެވެ.
އޮޔާ ގެންގޮސްފައި ވަނީ ދިވެއްސެއް ކަމަށްވާއިރު، އޮޔާދިޔަ މިހާ ނެގީ އެމްޓީސީސީ ފެރީއަކަށް ކަމަށާއި އިތުރު ފަރުވާއަށް މާލެއަށް ގެނެސްފައިވާ ކަމަށް ފުލުހުން ބުނެފައިވެއެވެ.
ހޮސްޕިޓަލާ ހަވާލާދީ، ފުލުހުން ބުނީ، އެ މީހާ މިހާރު ސްޓޭބަލް ކަމަށާއި މެރިން ޕޮލިހުން ލޯންޗަށް ނެގީ އެމީހާ ސަލާމަތް ކުރަން ދިޔަ މީހުން ކަމަށެވެ.
މި ހާދިސާއާ ގުޅިގެން ސޯޝަލް މީޑިއާގައި ދައުރުވެފައިވާ ވީޑިއޯއަކުން ފެންނަ ގޮތުގައި، އެމްޓީސީސީ ފެރީއަކުން ކަނޑުން މީހުންތަކެއް ސަލާމަތްކުރަން ހަރަކާތްތެރިވާ މަންޒަރު ފެނެއެވެ.
ނަމަވެސް، އެ ފެރީއަށް ނުނެގި އުޅެނިކޮށް އެމީހުން އޮޔާދާ މަންޒަރު ފެންނައިރު، ޕޮލިހުން އެ ސަރަހައްދަށް އައިސް މީހުން ސަލަމާތްކުރާ ތަން ފެނެއެވެ.
މި ފަހުން ވެސް ކަނޑުމަތީގައި ހިތާމަވެރި ބައެއް ހާދިސާތައް ވަނީ ހިނގައިފައެވެ.