ދިވެހިރާއްޖޭގެ ޤައުމީ ޔުނިވާސިޓީ, އެމްއެންޔޫއިން ކުރިއަށްގެންދާ ކޯސްތަކާ ގުޅޭ މައުލޫމާތު ދިނުމަށް އަންނަ އަންގާރަ ދުވަހު ހަރަކާތެއް ބާއްވަން އެ ޔުނިވާސިޓީން ނިންމައިފިއެވެ.
އެމްއެންޔޫއިން ބުނީ މި ހަރަކާތް ކުރިއަށްދާނީ ޔުނިވާސިޓީގެ ހުރިހާ ފެކަލްޓީ ނުވަތަ ސެންޓަރުތަކުގައި މަޢުލޫމާތު ފޯރުކޮށްދެވޭ ގޮތަށް އަންގާރަ ދުވަހުގެ މެންދުރު 13:00އިން ހަވީރު 16:00އަށް ކަމަށެވެ.
މި އިވެންޓުގެ ތެރޭގައި، އެ ޔުނިވާސިޓީގެ ކޯސްތަކަށް ކުރިމަތިލުމަށް ފޯމު ބަލައިގަތުމާއ،ި އޭލެވެލް އަދި އެހެނިހެން ނަތީޖާތަކަށް ބެލުމަށްފަހު ޝަރުތު ހަމަވާ ފަރާތްތަކަށް ކޯހަށް ހޮވުނުކަމުގެ ލިޔުން ވަގުތުން ދިނުން ކުރިއަށް ގެންދާނެއެވެ.
އަދި ދަރިވަރުން މި ހަރަކާތަށް ދާއިރު ނަތީޖާ ކަރުދާހާއި އައިޑީކާޑު ގެންދިއުމުން ޔުނިވާސިޓީގެ ކޯސްތަކުގައި ޖާގަ ހުރި މިންވަރަކުން ފުރުސަތު ދޭނެ ކަމަށް އެމްއެންޔޫއިން ވަނީ ބުނެފައެވެ.
އެމްއެންޔޫއަކީ ފަންނީ ޤާބިލް ލެކްޗަރާއިންނާއެކު ތަފާތު އެތައް ދާއިރާ އަކުން ތަޢުލީމާއި ތަމްރީން ޕްރޮގްރާމުތަކެއް ހިންގަމުންގެންދާ ޔުނިވާސިޓީއެކެވެ.
ޔުނިވާސިޓީގެ ފަންނީ ދާއިރާތަކުގެ ލެކްޗަރާއިން، އެބޭފުޅުންގެ ދާއިރާތަކުން މަތީ ތައުލީމު ހާސިލުކުރުމަށް ހުރި ފުރުސަތުތަކާ ބެހޭ މައުލޫމާތުތާއި، މަތީ ތައުލީމު ހާސިލުކުރުމަށް ވާންޖެހޭ ތައްޔާރީތަކުގެ މައުލޫމާތު، އިވެންޓުގައި ބައިވެރިވާ ފަރާތްތަކާ ހިއްސާކުރައްވާނެ ކަމަށް ވަނީ ބުނެފައެވެ.
އެމްއެންޔޫއިން ތައުލީމު ހާސިލުކުރެވެން ހުރި ދާއިރާތަކުގެ ތެރޭގައި:
- ޓޫރިޒަމް ހޮސްޕިޓާލިޓީ
- ކަލިނަރީ އާޓްސް
- ޖާނަލިޒަމް
- ޕޮލިޓިކަލް ސައިންސް
- ބިޒްނަސް
- އެކައުންޓިން
- އިކޮނޮމިކްސް
- ޓީޗިން
- ނާސިން
- ސައިކޮލޮޖީ
- ހެލްތު ސައިންސަސް
- އާކިޓެކްޗާ
- އިންޓީރިއާ ޑިޒައިން
- އިންފޮމޭޝަން ޓެކްނޮލޮޖީ
- ސިވިލް އިންޖިނިއިރިން
- ސައެންސް
- އެންވަޔަރަންމަންޓަލް މެނޭޖްމަންޓް
- މެރިން ސައިންސް
- މެރިޓައިމް ސްޓަޑީޒް
- ޝަރީއާ އެންޑް ލޯ
- އަދި މެޑިސިން ހިމެނެއެވެ.