ހުޅުމާލޭ ދެވަނަ ފިޔަވަހީގައި ހުރި ޓްރާންސްފޯމަރަކުން މީހަކު ވައްކަން ކުރަނިކޮށް، އެތަނަށް ގޮސް އެކަން ހުއްޓުވި ސްޓެލްކޯގެ މުވައްޒަފުންނަށް ހިތްވަރުދިނުމުގެ ގޮތުން އެ ކުންފުނިން ''މެޑަލް އޮފް ބްރޭވަރީ" ދީފިއެވެ.
ޓްރާންސްފޯމަރަކުން މީހަކު ވައްކަން ކުރަނިކޮށް، އެތަނަށް ދިޔަ ސްޓެލްކޯގެ މުވައްޒަފަކު އެކަން ހުއްޓުވަން އުޅުމުން އޭނާއަށް ވަނީ ރެންޗަކުން ހަމަލާދީފައެވެ.
ސްޓެލްކޯއިން މިއަދު އެކްސްގައި ކުރި ޕޯސްޓެއްގައި ވަނީ ރޭ ހިނގި ޓްރާންސްފޯމަރު ވަގަށް ނެގުމުގެ ހާދިސާގައި އަސަރުކުރި މުވައްޒަފުންނަށް ހިތްވަރުގަދަކަމުގެ މެޑަލް ދީފިއި ވާކަމަށެވެ.
މި މެޑަލް ދިނީ އެ މުވައްޒަފުން ވަޒީފާ އަދާކުރުމުގައި ފުރާނައަށް ނުރައްކާވާ ފަދަ ހާލަތެއްގައި ވެސް ދެއްކި ހިތްވަރާއި ވަފާތެރިކަމަށް ކަމަށް ސްޓެލްކޯއިން ވަނީ ބުނެފައެވެ.
ރޭ ހިނގި ޓްރާންސްފޯމާ ވަގަށް ނެގުމުގެ ހާދިސާގައި އަސަރުކުރި މުވައްޒަފުންނަށް ސްޓެލްކޯއިން ހިތްވަރު ދީފި -- ފޮޓޯ/ ސްޓެލްކޯ
އަދި ކުންފުނިން މުވައްޒަފުންގެ ރައްކާތެރިކަމަށް އަހައްމިއްޔަތުކަން ދޭނެކަމާއި މިފަދަ ކަންކަމާމެދު ވަރަށް ސީރިއަސްކޮށް ފިޔަވަޅު އަޅާނެކަމަށް އެކުންފުނިން ވަނީ ބުނެފައެވެ.
'ސަން'އަށް މައުލޫމާތު ދެމުން ސްޓެލްކޯގެ މެނޭޖިން ޑިރެކްޓަރު ޙުސައިން ފަހުމީ ރޭ ވިދާޅުވީ އެމްޕީއެލް ޓަވަރުތަކުން ކަރަންޓު ކެނޑިގެން އެ ކުންފުނީގެ މުވައްޒަފުން ޓްރާންސްފޯމަރުތަކަށް ދިޔަ ކަމަށެވެ.
އިއްޔެ ރޭ ހިނގި ޓްރާންސްފޯމާ ވަގަށް ނެގުމުގެ ހާދިސާގައި އަސަރުކުރި މުވައްޒަފުންނަށް ސްޓެލްކޯއިން ހިތްވަރު ދީފި -- ފޮޓޯ/ ސްޓެލްކޯ
އޭރު ޓްރާންސްފޯމަރުތަކުން ވައްކަން ކުރަން އުޅުނު ދެމީހަކު ސްޓެލްކޯގެ މުވައްޒަފުންނަށް ފެނުނު ކަމަށާއި އޭގެތެރެއިން އެކަކު ސްޓެލްކޯގެ މުވައްޒަފަކަށް ރެންޗަކުން ހަމަލާދީފައިވާ ކަމަށް ފަހުމީ ރޭ ވަނީ ވިދާޅުވެފައެވެ.
ހުޅުމާލޭ ދެވަނަ ފިޔަވަހީގައި ބަހައްޓާފައި ހުރި ޓްރާންސްފޯމަރުތަކަކީ އެ ކުންފުނިން ކުރިއަށް ގެންދިޔަ ޕްރޮޖެކްޓެއްނޫން ކަމުން، އެ ތަންތަނުގައި ސީސީޓީވީ ނެތް ކަމަށް ފަހުމީ ވަނީ ވިދާޅުވެފައެވެ.
އިއްޔެ ރޭ ހިނގި ޓްރާންސްފޯމާ ވަގަށް ނެގުމުގެ ހާދިސާގައި އަސަރުކުރި މުވައްޒަފުންނަށް ސްޓެލްކޯއިން ހިތްވަރު ދީފި -- ފޮޓޯ/ ސްޓެލްކޯ
އެހެންވެ، މިހާރުގެ އެޗްޑީސީގެ މެނޭޖުމަންޓާ ގުޅިގެން އެ ތަނުގައި ސީސީޓީވީ ފުޓޭޖް ބެހެއްޓުުމުގެ މަސައްކަތް ކުރަމުން އަންނަކަން އޭނާ ފާހަގަކުރެއްވިއެވެ.
ޓްރާންސްފޯމަރުތަކުން ވައްކަންކުރުން މިހާރު ވަނީ ވަރަށް އާންމު ވެފައެވެ.