މާލޭގެ ކެފޭއެއްގައި މީހަކު އިންދައި ޚަބަރު ހުސްވެގެން ވެއްޓި، މަރުވެއްޖެއެވެ.
ފުލުހުން މީޑިއާތަކާ ހިއްސާކުރި މެސެޖެއްގައި ބުނީ، މާފަންނުގައި ހުންނަ ކެފޭއެއްގައި އިން މީހަކު ޚަބަރު ހުސްވެގެން އައިޖީއެމްއެޗަށް ގެންގޮސްފައިވާ ކަމަށް މައުލޫމާތު ލިބިފައިވާ ކަމަށެވެ.
އެ މީހާ މަރުވެފައިވާ ކަމަށް އެ ހޮސްޕިޓަލުން މައުލޫމާތު ދީފައިވާ ކަމަށް ވެސް ފުލުހުން ބުންޏެވެ. ނަމަވެސް އޭނާ މަރުވީ ހޮސްޕިޓަލަށް ގެންދިޔުމުގެ ކުރިން ކަމެއް ނުވަތަ ފަހުން ކަމެއް ފުލުހުން ހާމައެއް ނުކުރެއެވެ.
ފުލުހުން ބުނި ގޮތުގައި މަރުވެފައި ވަނީ މ. މޫން ޑްރޮޕްސް، އަހުމަދު ޝަރީފް (58އ) އެވެ.
މިދިޔަ ހޮނިހިރު ދުވަހު، ހެންވޭރުގެ ގެސްޓުހައުސެއް ތެރެއިން ވެސް މަރުވެފައި އޮތް ފިރިހެނަކު ފެނިފައިވެއެވެ.
އެ މައްސަލަ ތަހުގީގު ކުރަމުން އަންނަ ކަމަށް މީގެ ކުރިން ފުލުހުން ބުނެފައިވެއެވެ.