އުމްރާއަށް ދިޔަ އުމުރުން 85 އަހަރުގެ ދިވެއްސަކަށް ނިއުމޯނިއާ ޖެހިގެން މައްކާގެ ނޫރު ހޮސްޕިޓަލްގެ އައިސީޔޫގައި ފަރުވާދޭން ފަށައިފިއެވެ.
އެކަމާ ގުޅިގެން އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވީ، އޭނާގެ ގާތުގައި އާއިލާގެ މީހަކު މިވަގުތު ނެތް ކަމަށެވެ.
އެހެންނަމަވެސް އެމީހާ އުމްރާއަށް ގެންދިޔަ ގްރޫޕުން އޭނާއަށް ވަރަށް ރަނގަޅަށް އަޅާލާ ކަމަށް ޝަހީމް ވިދާޅުވިއެވެ.
ނަމަވެސް އޭނާގެ ދަރިޔަކު މާދަމާ މައްކާއަށް ދާނެ ކަމަށާއި އެ ދަރިފުޅާ ވާހަކަ ވެސް ދައްކާފައިވާނެ ކަމަށް ޝަހީމް ވިދާޅުވިއެވެ.
އަދި އެކަން ވަރަށް ގާތުން ބައްލަވާނެ ކަމަށް ވެސް މިނިސްޓަރު ވިދާޅުވިއެވެ.
އެހެން އަހަރުތަކާ ޚިލާފަށް މިފަހަރު ރާއްޖެއިން އުމްރާގެ އަޅުކަން އަދާކުރުމަށް ގިނަ ބަޔަކު ދިޔައެވެ. އެގޮތުން މިދިޔަ މަހު 6،000އަށް ވުރެ ގިނަ މީހުން އުމްރާގެ އަޅުކަން އަދާކުރުމަށް ދިޔައެވެ.