ވ. ފުލިދޫ ކައިރީ އޮންނަ ބޯމަސް ކަނޑު ޑައިވް ސައިޓަށް ފީނަން ދިޔަ ޗައިނާގެ ހަތް މީހަކު ގެއްލިގެން ހޯދަނިކޮށް އެމީހުން ސަލާމަތްކޮށްފައި ވާކަމަށް ފުލުހުން މިއަދު ބުނެފިއެވެ.
މިކަމާ ގުޅިގެން ފުލުހުން މީޑިއާތަކާ ހިއްސާކުރި މެސެޖެއްގައި ވަނީ އެމީހުން ގެއްލިފައިވާ ކަމުގެ ރިޕޯޓު ފުލުހުންނަށް ލިބުނީ މިރޭ 18:26 ހާއިރު ކަމަށެވެ.
ފުލުހުން ބުނީ، އެ ހަތް މީހުން ގެއްލުމާއެކު، އެމީހުން ހޯދުމަށްޓަކައި އެ ސަރަހައްދުގައި ހަރަކާތްތެރިވި ފުލިދޫ ލޯންޗަކަށް ކަނޑުމަތިން ހަތް މީހުން ފެނިގެން ސަލާމަތްކުރިކަމަށެވެ.
އެމީހުންގެ ހާލު ރަނގަޅު ކަމަށް ފުލުހުން ވަނީ ބުނެފައެވެ.
ވާވު އަތޮޅަކީ ގިނަ އަދަދެއްގެ ފަތުރުވެރިން ފީނުމަށްޓަކައި ކޮންމެ ދުވަހަކު ދާ ސަރަހައްދެކެވެ.