އީވް ކްލިނިކް ވެސްޓް ޕާކުން ނަފުސާނީ ބަލިތަކަށް ފަރުވާދޭން ފަށައިފިއެވެ.
އީވް ކްލިނިކުން ބުނީ، މި ސައިކޮލޮޖީ ޑިޕާޓްމަންޓަކީ ނަފުސާނީ ގޮތުން ދިމާވާ އެކިއެކި މައްސަލަތަކަށް ފަރުވާދިނުމަށް ޚާއްޞަ ކޮށްފައިވާ ޑިޕާޓްމަންޓެއް ކަމަށެވެ. އެ ޑިޕާޓްމަންޓުން ގިނަ ޚިދުމަތްތަކެއް ފޯރުކޮށްދޭނެ ކަމަށް އެ ކްލިނިކުން ބުންޏެވެ.
މި އާ ޑިޕާޓްމަންޓުގައި މަސައްކަތް ކުރައްވާނެ ތެރަޕިސްޓުންގެ ތެރޭގައި ހިމެނެނީ:
- އަފްނާން މުޚްތާރު، ސައިކޮލޮޖިސްޓް
- ޒުހާ ޙުސައިން، ސައިކޮލޮޖިސްޓް
- ޝަމްއާ ސަޢީދު، ސައިކޮލޮޖިސްޓް
- ފާޠިމަތު އަޝާން، ސައިކޮލޮޖިސްޓް
- މުޙައްމަދު މުޞްޠަފާ ފާރޫޤު، ކައުންސެލާ
- ޢާއިޝަތު ނައްފާޙް އިސްމާޢީލް، ސްޕެޝަލް އެޑިޔުކޭޓާ
- ޚަދީޖަތު ޒުހާ، ސްޕީޗް ލެންގުއޭޖް ޕެތޮލޮޖިސްޓް
ޑިޕާޓްމަންޓުގައި މަސައްކަތް ކުރައްވާ ޕްރޮފެޝަނަލްސް---
މި ޑިޕާޓްމަންޓުން ފޯރުކޮށްދޭ ޚިދުމަތްތަކުގެ ތެރޭގައި ސްޕީޗް ތެރަޕީ، ސައިކޯތެރަޕީ، ހިޕްނޯތެރަޕީ، އީއެމްޑީއާރު، ކަޕަލް ތެރަޕީ، ފެމިލީ ތެރަޕީ، ސްޕެޝަލް އެޑިޔުކޭޝަން ނީޑްސް ތެރަޕީ، އޮކިޔުޕޭޝަނަލް ތެރަޕީ، އަދި ނަފުސާނީ ބަލިތަކާއި ދުޅަހެޔޮ ކަމަށް އަހުލުވެރި ކުރުވުން ހިމެނެއެވެ.
އީވް ކްލިނިކުން ބުނީ އެ ކްލިނިކުގެ އަމާޒަކީ އެކި މުއައްސަސާތަކާ ގުޅިގެން ނަފްސާނީ ބަލިތަކާއި ދުޅަހެޔޮ ކަމަށް އަހުލުވެރި ކުރުވުމުގެ ޚިދުމަތް ފޯރުކޮށްދިނުން ކަމަށެވެ.
އެޕޮއިންޓްމަންޓް ހޯއްދެވުމަށް 7280788 ނަންބަރަށް ގުޅުއްވުން ނުވަތަ ވައިބާ ކުރެއްވުމަށް އީވް ކްލިނިކުން އެދެއެވެ.
އީވް ކްލިނިކުން ފޯރުކޮށްދޭ ޚިދުމަތްތައް ދޭން ތިއްބަވާނީ އެ ދާއިރާތަކުން ލައިސަންސާއި ތަޖުރިބާ ލިބިފައިވާ ޕްރޮފެޝަނަލް ބޭފުޅުން ކަމަށް އެ ކްލިނިކުން ބުންޏެވެ.