އުރީދޫގެ ޑިޖިޓަލް ވޮލެޓް، އެމް-ފައިސާއިން ދެ މަސް ދުވަހުގެ ޚާއްސަ ޕްރޮމޯޝަނެއް ފަށައިފިއެވެ.
އުރީދޫން ބުނީ، މި ޕްރޮމޯޝަނާ އެކު އެމް ފައިސާ ބޭނުންކުރާ މީހުންގެ ތެރެއިން ނަސީބުވެރި އެކަކަށް 'މެޓާ ކުއެސްޓް 3' ކާމިޔާބުކުރުމުގެ ފުރުސަތު ލިބޭނެ ކަމަށެވެ.
ޔުޓިލިޓީ ބިލުތައް ދެއްކުމާއި މާޗަންޓް ޓްރާންސެކްޝަންތަކަށް، މި މަހާއި ފެބްރުއަރީ މަހު 1،500 ރުފިޔާއާއި އެއަށް ވުރެ މަތިން އެމް ފައިސާ މެދުވެރިކޮށް މުއާމަލާތްކުރާ ކަސްޓަމަރުން އޮޓަމެޓިކުން ލަކީޑްރޯގައި ހިމެނޭނެއެވެ.
ސްޓެލްކޯއާއި އެމްޑަބްލިއުއެސްސީގެ ބިލުތަކަށް އެމް ފައިސާ މެދުވެރިކޮށް ކޮންމެތާކު ކޮންމެ ވަގުތަކު ވެސް ފަސޭހަކަމާ އެކު ބިލަށް ފައިސާ ދެއްކޭނެއެވެ. ޔޫޓިލިޓީ ބިލު ދެއްކުމުގެ އިތުރުން ރާއްޖޭގެ އެކި ކަންކޮޅުތަކުގައި ހުންނަ މަގުބޫލު ކެފޭ ރެސްޓޯރެންޓް އަދި ފިހާރަތަކުން ވެސް ކަސްޓަމަރުންނަށް އެމް ފައިސާ މެދުވެރިކޮށް ފަސޭހަކަމާ އެކު ބިލަށް ފައިސާ ދެއްކޭނެ ކަމަށް އުރީދޫން ވަނީ ބުނެފައެވެ.
އެމްފައިސާއަށް ރަޖިސްޓްރީވާން ބޭނުންވާ ބޭފުޅުންނަށް އުރީދޫ އެޕް މެދުވެރިކޮށް ރަޖިސްޓާވެވޭނެއެވެ.