ފެންބޮޑުވެފައިވާ މާލޭގެ މަގުތަކުން ފެންހިދުމުގެ މަސައްކަތުގައި އެމްއެންޑީއެފާއެކު އެމްޓީސީސީން ވެސް ބައިވެރިވެއްޖެއެވެ.
އެމްޓީސީސީން ބުނީ، އެ ކުންފުނީގެ ފަޔަ އެންޑް ސޭފްޓީ ޓީމުން މާލެއާ ހުޅުމާލޭގައި ފެންބޮޑުވެފައިވާ ތިން ސަރަހައްދަކުން އެމްއެންޑީއެފާއެކު 154 ޓަނުގެ ފެން ހިއްކާފައިވާ ކަމަށެވެ.
އަދި ގައުމާއި ރައްޔިތުން ބޭނުންވެއްޖެ ހާލަތެއްގައި އެހީތެރިކަން ފޯރުކޮށްދިނުމަށް ދޭ އަހަންމިއްޔަތު، އެ ކުންފުނީގެ ޝިއާރު "ރައްޔިތުންގެ ކުންފުނި"ން ވެސް ހާމަވެގެންދާ ކަމަށް ބުނެފައިވެއެވެ.
މިހާރު ރާއްޖެއަށް ކުރަމުން މި ދާ ވިއްސާރައިގައި ފެންބޮޑުވެފައިވާ މާލޭގެ މަގުތަކުން މިހާތަނަށް 10،000އެއްހައި ޓަނުގެ ފެން އެމްއެންޑީއެފުން ވަނީ ބޭރުކޮށްފައެވެ.
އެމްއެންޑީއެފުން އަންނަނީ ފެންބޮޑުވެފައިވާ މާލޭގެ ހަ ސަރަހައްދެއްގައި 16 ޕަމްޕެއް ބަހައްޓައިގެން ފެންހިންދިމުގެ މަސައްކަތް ކުރަމުންނެވެ.