ވެމްކޯގެ ޑެޕިއުޓީ މެނޭޖިން ޑިރެކްޓަރުގެ މަގާމުގައި ހުންނެވި ޝަހީދު އިބްރާހީމް އެ މަގާމުން މިއަދު ވަކިކޮށްފިއެވެ.
ވެމްކޯއިން ވަނީ "ސަން"އަށް މިކަން ކަވަރުކޮށްދީއެވެ. ވެމްކޯއިން މައުލޫމާތު ދެމުން ބުނީ، އޭނާ މަގާމުން ވަކިކުރުމަކީ ސަރުކާރުގެ ނިންމުމެއް ކަމަށެވެ.
ޝަހީދު ވެމްކޯއަށް އައްޔަންކުރީ މި އަހަރުގެ އެޕްރީލް މަހުގެ 23ވަނަ ދުވަހެވެ. އެހެންކަމުން އޭނާއަށް އެ މަގާމުން ވަކިކޮށްފައި މިވަނީ އައްޔަނުކުރިތާ އެންމެ އަށް މަސް ތެރޭގައެވެ.
ޝަހީދު މަގާމުން ވަކިކުރިއިރު، ސެޕްޓެމްބަރު 17ވަނަ ދުވަހު ވަނީ ފެނަކަ ކޯޕަރޭޝަންގެ ޑެޕިއުޓީ މެނޭޖިން ޑިރެކްޓަރުކަމުގެ މަގާމުން އިސްތިއުފާދެއްވި އިބްރާހީމް ނާއިފް، އެ ކުންފުނީގެ ޑީއެމްޑީއަކަށް އައްޔަނުކުރައްވައިފައެވެ.
އޭނާގެ އިތުރުން ކުރީގެ މަޖިލިސް މެންބަރު މުހައްމަދު އަބްދުލް ކަރީމް (ރުކުމާ) ވެސް ހުންނެވީ ވެމްކޯގެ ޑީއެމްޑީގެ މަގާމުގައެވެ.
ޝަހީދު އިބްރާހީމް ކުރިން މަސައްކަތް ކުރެއްވީ އެމްއެންޑީއެފްގައެވެ. އޭގެ ފަހުން އޭނާ ވަނީ ޕީއެންސީގެ ސެނެޓުގެ ކައުންސިލް މެމްބަރެއްގެ މަގާމު އަދާކުރައްވާފައެވެ.