މި އަހަރުގެ އޫރީދޫ މޯލްޑިވްސް ފަން ރަންގައި ވެސް މެޑިކަލް ޕާޓްނަރުގެ ގޮތުގައި ޓްރީ ޓޮޕް ހޮސްޕިޓަލުން ވަނީ ބައިވެރިވެ އެހީތެރިކަން ފޯރުކޮށްދީފައެވެ.
މިދިޔަ ހުކުރު ދުވަހު ހުޅުމާލެ ސެންޓްރަލް ޕާކުގައި ކުރިޔަށް ގެންދިޔަ މި އާއިލީ އިވެންޓުގައި 6،500 ދުވުންތެރިން ބައިވެރިވިއެވެ.
މި ދުވުމުގެ އަމާޒަކީ އާއިލާއާއި ރައްޓެހިންނާއެކު އުފާވެރި ވަގުތުކޮޅެއް ހޭދަކޮށްލުމުގެ އިތުރުން، ކަސްރަތާއި ދުޅަހެޔޮ ދިރިއުޅުމެއްގެ މުހިންމުކަމާ މެދު ހޭލުންތެރިކަން އިތުރުކުރުން ކަމަށް އޫރީދޫ މޯލްޑިވްސްއިން ބުނެއެވެ.
އޫރީދޫ މޯލްޑިވްސް ފަން ރަންގެ ތެރެއިން---
މިއީ ޓްރީ ޓޮޕް ހޮސްޕިޓަލުން އޫރީދޫ މޯލްޑިވްސްގެ ފަން ރަނަށް އެހީތެރިކަން ފޯރުކޮށްދިން ވިދިވިދިގެން ތިންވަނަ އަހަރެވެ.
ޓްރީ ޓޮޕް ހޮސްޕިޓަލުން ދުވުމުގެ ބައިވެރިންނަށް ފޯރުކޮށްދީފައިވާ ޚިދުމަތްތަކުގެ ތެރޭގައި:
- ދުވުންތެރިންނަށް ޞިއްޙީ ލަފާ ހިއްސާކުރުން: ދުވުމަށް ތައްޔާރުވުމުގެ ގޮތުން ސޯޝަލް މީޑިއާ މެދުވެރިކޮށް މަޢުލޫމާތު ހިއްސާކުރުން.
- މެޑިކަލް ސްޓޭޝަންގެ އެހީތެރިކަން ފޯރުކޮށްދިނުން: އިވެންޓު ހިނގަމުންދިޔަ ވަގުތުގައި ބައިވެރިންނަށް ސިއްޙީ އެހީތެރިކަން ފޯރުކޮށްދިނުން.
ޓްރީ ޓޮޕް ހޮސްޕިޓަލުން ވަނީ ވޭތުވެދިޔަ ތިން އަހަރު ބޭއްވުނު މިފަދަ ދުވުންތަކާއި ސިއްޙަތާ ގުޅުންހުރި އެހެނިހެން ހަރަކާތްތަކުގައި ސިއްޙީ އެހީތެރިކަން ފޯރުކޮށްދީފައެވެ.
އޫރީދޫ މޯލްޑިވްސް ފަން ރަންގެ ތެރެއިން---
ދިވެހިރާއްޖޭގައި ޞިއްޙަތާއި ދުޅަހެޔޮކަން ކުރިއެރުވުމުގެ ހަރަކާތްތަކަށް ހިތްވަރުދީ، މުޖުތަމަޢުގެ ދުޅަހެޔޮކަން އިތުރުކުރުމަށް ބޭއްވޭ މިފަދަ އިވެންޓުތަކަށް އެހީތެރިކަން ކުރިޔަށް އޮތްތަނުގައިވެސް ފޯރުކޮށްދޭނެކަމަށް ޓްރީ ޓޮޕް ހޮސްޕިޓަލުން ވަނީ ބުނެފައެވެ.
ޓްރީ ޓޮޕް ހޮސްޕިޓަލަކީ ދިވެހިރާއްޖޭގެ ޞިއްޙީ ޚިދުމަތުގެ ދާއިރާގައި އިސް ދައުރެއް އަދާކުރަމުން އަންނަ ހޮސްޕިޓަލްއެކެވެ.
މި ހޮސްޕިޓަލުގެ މައިގަނޑު އަމާޒަކީ އައު އުސޫލުތަކާއި ޚިދުމަތްތައް ތަޢާރަފުކޮށް، ދިވެހި ރައްޔިތުން ބޭރު ގައުމުތަކަށް ޞިއްޙީ ފަރުވާ ހޯދަން ދާންޖެހޭ ސަބަބު މަދުކުރުމާއި، ޞިއްޙީ ޚިދުމަތުގެ ޚަރަދުތައް ކުޑަކުރުމާއި އެންމެ ޒަމާނީ ޓކްނޮލޮޖީއާއި ފުރިހަމަ ލެބޯޓަރީ ޙިދުމަތްތައް ފޯރުކޮށްދިނުން ކަމަށް ޓްރީ ޓޮޕް ހޮސްޕިޓަލްއިން ބުނެއެވެ.