ބުރިޖު ހައިވޭގައި ތިން އެކްސިޑެންޓެއް ހިނގައި، މުޅި ހައިވޭ ތޮއްޖެހިއްޖެއެވެ.
"ސަން" އަށް މައުލޫމާތު ލިބޭ ގޮތުގައި ތިން އެކްސިޑެންޓެއް ހިނގައި، މުޅި ހައިވޭ ވަނީ ވެހިކަލުން ފުރި ބަންދުވެފައެވެ.
އެއް އެކްސިޑެންޓުގައި އަންހެނަކަށް އަނިޔާވެ ބިންމައްޗަށް ވެއްޓިފައި އޮތް ތަން ފެނެއެވެ.
އަދި ހިނގައިދިޔަ ތިން އެކަސިޑެންޓުގެ ތެރެއިން ދެ އެކްސިޑެންޓަކީ ބެލެވޭ ގޮތުގައި ފުރަތަމަ އެކްސިޑެންޓް ހިނގުމުން ޓްރެފިކް ބާރު ބޮޑުވުމުގެ ސަބަބުން ހިނގާފައިވާ ދެ އެކްސިޑެންޓްކަމަށް ބެލެވެއެވެ.
އިތުރު އެކްސިޑެންޓެއް ހިނގީ އެމްޓީސީސީ ބަހެއް ޓެކްސީއެއްގައި ޖެހިގެންނެވެ.
މި އެކްސިޑެންޓްތަކާއި ގުޅިގެން ބްރިޖް ޓްރެފިކް ބްލޮކްވެފައި ވާއިރު މި ކަމުގައި މިހާތަނަށް ފުލުހުންގެ ބަހެއް ލިބިފައެއް ނުވެއެވެ.