ބޭންކް އޮފް މޯލްޑިވްސް (ބީއެމްއެލް)ގެ ސްމޯލް ގްރާންޓް ފަންޑުގެ އެހީގައި ހދ. ކުމުންދޫއާއި ގދ. ވާދޫގައި ޕްރޮޖެކްޓެއް ނިންމާލައިފިއެވެ.
ބީއެމްއެލްގެ ސްމޯލް ގްރާންޓް ފަންޑު ތައާރަފުކުރީ، އެ ބޭންކުގެ 40ވަނަ އަހަރީ ދުވަހާ ގުޅިގެންނެވެ.
މި ސްމޯލް ގްރާންޓު ފަންޑުގެ ދަށުން، ކުމުންދޫގައި ކޮންމެ ދުވަހަކު ބާނާ މަހުގެ ކުނި މެނޭޖްކޮށް، އެ ތަކެތިން މަސް ކާނާ އުފައްދާ ޕްލާންޓެއް ވަނީ ގާއިމްކޮށްފައެވެ.
ކުމުންދޫގައި ކޮންމެ ދުވަހަކު ބާނާ މަހުގެ ކުނި މެނޭޖްކޮށް، އެތަކެތިން މަސް ކާނާ އުފައްދާ ޕްލާންޓު --
އަދި ވާދޫގައި އޮންނަ ބްލޫ ބައުލްސް ރާޅާއަޅާ ސަރަހައްދުގެ ފަރު ދެމެހެއްޓެނިވި ގޮތެއްގައި ބޭނުންކުރެވޭ ގޮތަށް ރައްކާތެރި ވެސް ކޮށްފައެވެ.
ވާދޫގައި އޮންނަ ބްލޫ ބައުލްސް ރާޅާއަޅާ ސަރަހައްދުގެ ފަރު ދެމެހެއްޓެނިވި ގޮތެއްގައި ބޭނުންކުރެވޭ ގޮތަށް ރައްކާތެރި ކުރުން --
ކުމުންދޫގައި ހިންގި މަޝްރޫއު ކުރިއަށް ގެންގޮސްފައި ވަނީ ކުމުންދޫ ރިވައިވަލް އިނިޝިއޭޓިވް (ކުރެވި) އިންނެވެ. އަދި ގދ. ވާދޫ ކައިރީގައި އޮންނަ ބްލޫ ބައުލްސް ރާޅާ އަޅާ ސަރަހައްދުގެ ފަރު ރައްކާތެރިކުރުމުގެ މަސައްކަތް ކޮށްފައި ވަނީ ގދ. ވާދޫގައި ހުވަދޫ އެސޮސިއޭޝަން ފޯ ޓޫރިޒަމް (ހެޓް) އިންނެވެ.
ބީއެމްއެލްގެ ސްމޯލް ގްރާންޓް ފަންޑަކީ، ދިވެހިރާއްޖޭގެ އެކި ކަންކޮޅުތަކުގައި ދެމެހެއްޓެނެވި ތަރައްގީއާއި ތިމާވެށްޓާ ގުޅުންހުރި ޕްރޮޖެކްޓްތައް ހިންގުމަށް ޖަމިއްޔާތަކަށް އަމާޒުކޮށްގެން ތައާރަފުކުރި ފަންޑެކެވެ.