މަޑިފުށީ މީހަކު ގެއްލިގެން ހޯދާތާ ދެ ދުވަސް

ތ. މަޑިފުށީ މީހަކު ގެއްލިގެން ހޯދަން މިއަދު ފުލުހުން އިއުލާނުކޮށްފިއެވެ.

ގެއްލިގެން ހޯދަން އިއުލާނުކޮށްފައި ވަނީ ތ. މަޑިފުށި، ބޮންތި ޙަސަން ނިހާލު (34އ) އެވެ.

ފުލުހުން ބުނީ، މިދިޔަ އާދިއްތަ ދުވަހުގެ ރޭ ނިހާލުގެ އާއިލާއަށް ޚަބަރެއް ނުވެގެން 20:07 އެހާ ކަންހާއިރު ރިޕޯޓު ކޮށްފައިވާ ކަމަށެވެ. އެހެންވެ، އޭނާ ހޯދުމުގެ މަސައްކަތް މިހާރު ކުރަމުން އަންނަ ކަމަށެވެ.

ފުލުހުން ވަނީ، ނިހާލުގެ މައުލޫމާތެއް ލިބިފައިވާ ނަމަ، 3322111އަށް ނުވަތަ ތ. މަޑިފުށި ޕޮލިސް ސްޓޭޝަންގެ ނަންބަރު 9868475އަށް ގުޅައިގެން ހިއްސާ ކުރުމަށް ފުލުހުން ވަނީ އެދިފައެވެ.

މީހުން ގެއްލިގެން ދޭތެރެދޭތެރެއިން ރިޕޯޓުކުރެއެވެ. އޭގެ ތެރޭގައި ފުރާވަރުގެ ކުދިން ގިނައިން ހިމެނޭއިރު، އާންމުކޮށް ހޯދަން އިއުލާނުކުރާ ހިސާބުން އެ މީހުން ފެނެއެވެ.