ހިޔާ ޓަވަރަކުން 16 އަހަރުގެ ކުޑަކުއްޖަކު ވެއްޓި ނިޔާވެއްޖެއެވެ.
ފުލުހުން މީޑިއާތަކާ ހިއްސާކުރި މެސެޖެއްގައި ބުނީ ހިޔާގެ ފަސް ވަނަ ޓަވަރުން ކުއްޖަކު ވެއްޓިފައިވާ ކަމަށް ދަންވަރު 1:26ހާއިރު މައުލޫމާތު ލިބިފައިވާ ކަމަށެވެ.
ވެއްޓިފައިވަނީ 16 އަހަރުގެ ދިވެހި ފިރިހެން ކުއްޖެއް ކަމަށާއި އެ ކުއްޖާ ވެއްޓިފައި ވަނީ 13 ވަނަ ފަންގިފިލާއިން ކަމަށް ފުލުހުން ބުންޏެވެ.
އެ ކުއްޖާ ހޮސްޕިޓަލަށް ގެންދިޔައިރު ވެސް ނިޔާވެފައިވާ ކަމަށް ހުޅުމާލެ ހޮސްޕިޓަލުން މައުލޫމާތު ދިންކަން ފުލުހުން ފާހަގަކުރިއެވެ.
ފުލުހުން އަންނަނީ އެ މައްސަލަ ތަހުގީގު ކުރަމުންނެވެ.
މިދިޔަ އަހަރުގެ އޮކްޓޯބަރު މަހުގެ ތެރޭގައި ވެސް ކުޑަކުއްޖަކު ހިޔާ ޓަވަރަކުން ވެއްޓި ނިޔާވެފައިވެއެވެ. އެއީ 15 އަހަރުގެ ފިރިހެން ކުއްޖެކެވެ.