ރާއްޖެއާއި އިންޑިއާއާ ދެމެދު މުދާ އުފުލުމުގެ ދަތުރުތައް އިތުރުކޮށް، މާކެޓު ކުރުމަށް މޯލްޑިވްސް ސްޓޭޓް ޝިޕިން ލައިން (އެމްއެސްއެސް) އާއި ދަ ޝިޕިން ކޯޕަރޭޝަން އޮފް އިންޑިއާ (އެސްސީއައި)އާ ދެމެދު ނެޓްވޯކިން ސެޝަނެއް ބާއްވައިފިއެވެ.
އެމްއެސްއެސްއިން ބުނީ، މި ސެޝަން ބޭއްވުމުގެ މަގުސަދަކީ އިންޑިއާއާއި ރާއްޖެއާ ދެމެދު ކުރާ ކާގޯގެ ޚިދުމަތް އިތުރުކޮށް، އެ ޚިދުމަތް އިތުރަށް އިޝްތިހާރުކޮށް، މާކެޓު ކުރުން ކަމަށެވެ.
މި ބައްދަލުވުމުގައި ދާއިރާގެ ގާތްގަނޑަކަށް 60 ވިޔަފާރިވެރިން ބައިވެރިވެފައިވާ ކަމަށާއި މި ބައްދަލުވުމުގެ ސަބަބުން ދެ ގައުމުގެ ދެމެދުގައި ކާގޯގެ ދަތުރުތައް އިތުރަށް ފުޅާކުރުމަށް މަގުފަހިވާނެ ކަމަށް އެމްއެސްއެސްއިން ވަނީ ބުނެފައެވެ.
ރާއްޖެއާ އިންޑިއާއާ ދެމެދު ކާގޯގެ ދަތުރުތައް އިތުރުކުރަން ނެޓްވޯކިން ސެޝަންގެ ތެރެއިން --- ފޮޓޯ/ އެމްއެސްއެސް
މީގެއިތުރުން، 2020 ވަނަ އަހަރުން ފެށިގެން ދެ ގައުމުގެ ދެމެދުގައި ކާގޯގެ ޚިދުމަތް ދެމުން އަންނަ ކަމަށާއި މަހަކު ތިން ދަތުރު ކުރަމުން އަންނަ ކަމަށް އެ ކުންފުނިން ވަނީ ބުނެފައެވެ.
މި ރަސްމިއްޔާތުގައި އެމްއެސްއެސްގެ މެނޭޖިން ޑިރެކްޓަރު އަހުމަދު ޝަރީފާއި އެމްއެސްއެސްގެ އިސްވެރިން ބައިވެރިވެވަޑައިގެންފައިވެއެވެ.