އިނިގިރޭސިވިލާތާއި ވޭލްސްގައި ތުއްތު ފިރިހެން ކުދިންނަށް އެންމެ ގިނައިން ކިޔާ ނަމަކީ މުޙައްމަދު ކަމަށް އޮފީސް ފޯ ނޭޝަނަލް ސްޓެޓިސްޓިކް (އޯއެންއެސް)އިން އާންމުކުރި ދިރާސާއަކުން ދައްކައިފިއެވެ.
އޯއެންއެސްއިން ބުނީ، 2022 ވަނަ އަހަރު ދެވަނައަށް އެންމެ މަގުބޫލު ނަން މުޚައްމަދަކީ މިހާރު އިނގިރޭސިވިލާތާއި ވޭލްސްގައި ފިރިހެން ކުދިންނަށް އެންމެ މަގުބޫލު 10 ނަމުގެ ތެރޭގައި ހިމެނޭ ނަމެއް ކަމަށެވެ.
އޯއެންއެސްއިން ބުނާ ގޮތުގައި އިނގިރޭސިވިލާތުގެ ނުވަ ސަރަހައްދުގެ ތެރެއިން ހަތަރު ސަރަހައްދެއްގައި އެންމެ މަގުބޫލު ނަމަކީ މުޙައްމަދެވެ. އޭގެ ތެރޭގައި ލަންޑަނާއި އިނގިރޭސިވިލާތުގެ ނޯތު އެންޑް މިޑްލެންޑްސް ހިމެނެއެވެ.
މިދިޔަ އަހަރު ތުއްތު ފިރިހެން ކުދިންނަށް ކީ އެންމެ މަގުބޫލު ނަމަކީ ނޫޙުއެވެ.
ޕޮޕް އާޓިސްޓުން ކަމަށްވާ ބިލީ އެއިލިޝްއާއި ލާނާ ޑެލް ރޭއަކީ ވެސް އިނގިރޭސިވިލާތުގައި ތުއްތު ކުދިންނަށް ކިޔާ މަޝްހޫރު ދެ ނަމެވެ.
ތުއްތު އަންހެން ކުދިންނަށް ކިޔާ އެންމެ މަގުބޫލު ނަންތަކަކީ އޮލިވިއާ، އަމެލިއާ އަދި އިސްލާއެވެ. އެއީ، 2022 ވަނަ އަހަރުން ފެށިގެން ވެސް އެ ނަންތަކަކީ އެންމެ މަޝްހޫރު ނަންތައް ކަމަށް އޯއެންއެސްއިން ބުނެއެވެ.