މަހަކު 14،500 ރުފިޔާ ދައްކަންޖެހޭ ގޮތަށް އޭޑީކޭއިން އިންޓާންޝިޕް ޕްރޮގްރާމަށް ހުޅުވާލައިފިއެވެ.
އަންނަ އަހަރުގެ ޖެނުވަރީ މަހުގައި އިންޓާންޝިޕް ޕްރޮގްރާމްތައް ފަށާނެކަމަށް ބުނެ އޭޑީކޭއިން އިއުލާނު ކޮށްފައި ވަނީ މިމަހުގެ 26ވީ އަންގާރަ ދުވަހުގައެވެ.
އެ ހޮސްޕިޓަލުން ނެރެފައިވާ މެޑިކަލް އިންޓާންޝިޕް އެޕްލިކޭޝަން ފޯމުގައި ވާގޮތުން އިންޓާންޝިޕް ހަދަން ބޭނުނަވާނަމަ މަހެއްގެ މައްޗަށް 14،500 ރުފިޔާ ދައްކަން ޖެހެއެވެ.
އަދި އިންޓާންޝިޕްގެ ފުރަތަމަ ބުރުން އޭޑީކޭއިން ދިނުމަށް ހަމަޖެހިފައި ވަނީ 20 ޖާގަކަމަށްވެސް އެ ހޮސްޕިޓަލުން ވަނީ ބުނެފައެވެ.
އޭޑީކޭއިން އިންޓާންޝިޕް ޕްރޮގްރާމް ހުޅުވާލާފައި މިވަނީ އައިޖީއެމްއެޗްގައި އިންޓާންޝިޕަށް ޑިމާންޑު ބޮޑުވެފައި ވަނިކޮށެވެ.
ސަރުކާރުގެ މައި ހޮސްޕިޓަލް އައިޖީއެމްއެޗްގައި އިންޓާންޝިޕް ޕްރޮގްރާމް ފަށާފައި ވަނީ 2018 ވަނަ އަހަރެވެ. އޭގެ ފަހުން 2019ގައި ރާއްޖޭގެ ގައުމީ ޔުނިވާސިޓީގައި ސްކޫލް އޮފް މެޑިސިން ރާއްޖޭގައި ގާއިމްކޮށް ވަނީ ކިޔަވައިދޭން ފަށައިފައެވެ.
އެމްއެންޔޫ އާއި ބޭރުގެ ޔުނިވާސިޓީތަކުން ތައުލީމު ހާސިލުކޮށްފައިވާ ގިނަ އަދަދެއްގެ ޑޮކްޓަރުން އައިޖީއެމްއެޗުން އިންޓާންޝިޕް ޕްރޮގްރާމް ފުރިހަމަކުރަމުންދެއެވެ.