ދިރާގާއި ވިމެން އިން ޓެކް މޯލްޑިވްސްގެ ފަރާތުން އަންހެން ކުދިންނަށް ހާއްސަކޮށްގެން ކޯޑިންގް ދަސްކޮށް ދިނުމަށް ހިންގާ ސިލްސިލާ ޕްރޮގްރާމްގެ ތެރެއިން "ގާލްސް ޓު ކޯޑް"ގެ ހއ. ދިއްދޫ އެޑިޝަން ނިންމާލައިފއެވެ.
އެޗްޓީއެމްއެލް ސީއެސްއެސް އަދި ޖާވާސްކްރިޕްޓް ބޭނުންކޮށްގެން ކޯޑިންގް ގެ ހުނަރު ދަސްކޮށްދޭ މި ޕްރޮގްރާމަކީ އަންހެން ކުދިން
ބާރުވެރިކުރުވުމުގެ މަގުސަދުގައި ކުރިއަށްގެންދާ ޕްރޮގްރާމެކެވެ.
ގާލްސް ޓު ކޯޑް ދިއްދޫ އެޑިޝަން ފަރުމާކޮށްފައިވަނީ 10 އަހަރާއި 13 އަހަރުގެ ދެމެދުގެ އަންހެން ކުދިންނަށް ޓެކްނޮލޮޖީގެ ދާއިރާއިން ފުރުސަތު ހޯދުމަށް ޝައުގުވެރިކަން އުފައްދާ ދާއިރާގައި އަންހެންކުދިންގެ ބައިވެރިވުން އިތުރުކުރުމަށް ކަމަށް ދރާގުން ވަނީ ބުނެފައެވެ.
މި ޕްރޮގްރާމުގައި އިސްކަންދީފައި ވަނީ ކުރިން ކޯޑިންގެ ތަޖުރިބާ ނެތް ކުދިންނަށް ކަމަށް ދިރާގުން ވަނީ ބުނެފައެވެ. ދެމަސް ދުވަހަށް ކުރިއަށްގެންދެވުނު ގާލްސް ޓު ކޯޑް ދިއްދޫ ޕްރޮގްރާމް 20 ކުދިން ކާމިޔާބުކަމާ އެކީ ނިންމާފައި ވާކަމަށް ދިރާގުން ވަނީ ބުނެފައެވެ.
އަދި މި ޕްރޮގްރާމް ނިމުނުއިރު ބައިވެރިންގެ އަމަލީ ހުނަރުތައް ތަރައްގީވެ އަމިއްލައަށް ވެބްސައިޓް ފަރުމާކޮށް ޑިވެލޮޕްކުރަން ދަސްކޮށްދެވުނުކަން ވެސް ދިރާގުން ވަނީ ފާހަގަކޮށްފައެވެ.
މި ޕްރޮގްރާމްގެ އެންމެ މުހިންމު މަގުސަދަކީ ކުދިންގެ ޅަ އުމުރުގައި މިދާއިރާއަށް ލޯހުޅުވ،ި ޝައުގުވެރިކަން އުފައްދާ މިއީ ކުރެވިދާނެ ކަމެއްކަމަށް އަމިއްލައަށް ގަބޫލުކުރެވި އަދި އަމިއްލަ ނަފުސަށް ކުރާ އިތުބާރު އިތުރުވެގެން ދިޔުން. ދިރާގުގެ މެނޭޖަރު ކޯޕަރޭޓް ސޯޝަލް ރެސްޕޮންސިބިލިޓީ ބިޝާރާ ހަމީދު
ވިމެން އިން ޓެކް މޯލްޑިވްސްގެ ރައީސް ނަހުޒާ އިބްރާހިމް ވިދާޅުވިގޮތުގައި ޒުވާން އަންހެން ކުދިން މިހާ ޖޯޝާ އެކީ ކޯޑިންގްއަށް ޝައުގުވެރިކަން ފާޅުކުރާކަމަކީ ވަރަށް ބޮޑު އުފަލެކެވެ. އެކުދިން ދައްކުވަމުން އެދަނީ ރަނގަޅު ފުރުސަތުތަކާ އެއްބާރުލުމާ
އެކު އެކުދިންނަށް ކޮންމެ ކަމެއް ވެސް ހާސިލްކުރެވިދާނެ ކަން ކަން އޭނާ ވަނީ ފާހަގަކޮށްފައެވެ.
އަޅުގަނޑުމެން އުންމީދު ކުރަނީ މި ޕްރޮގްރާމްގެ ސަބަބުން އެކުދިންނަށް ފަންނީ ހުނަރުތައް ލިބިގެން ދިއުމާއި އެކު އުއްމީދީ މުސްތަގުބަލެއް ބިނާ ކުރުމަށް މަގު ފަހިވެގެންދާނެކަމަށް. ވިމެން އިން ޓެކް މޯލްޑިވްސްގެ ރައީސް ނަހުޒާ އިބްރާހިމް
ވިމެން އިން ޓެކް މޯލްޑިވްސްއާ ގުޅިގެން ދިރާގުން ކުރިއަށް ގެންދާ ގާލްސް ޓު ކޯޑް ޕްރޮގްރާމަކީ ދިރާގުގެ ސީއެސްއާރު ޕްރޮގްރާމްގެ
ތެރެއިން އަންހެނުން ބާރުވެރިކުރުވުމަށް އެކުންފުނިން ކުރާ މަސައްކަތުގެ މުހިންމު ބާރެއްކަން ދިރާގުން ވަނީ ފާހަގަކޯށްފައެވެ. މިޕްރޮގްރާމް ވަނީ ދިއްދޫގެ އިތުރުން ފުވައްމުލައް ސިޓ،ީ ތިނަދޫ ސިޓީ، ކުޅުދުއްފުށި ސިޓީ އަދި ލާމު އަތޮޅުގައި ކުރިއަށް ގެންގޮސްފައެވެ.